سیلاب متاثرہ کیرالہ کی مدد کے لیے اکھلیش یادونے کی جذباتی اپیل
نئی دہلی ،19 ؍اگست (ایس او نیوز؍آئی این ایس انڈیا) کیرالہ اب صدی کی سب سے بڑی تباہی کا شکار ہے۔گزشتہ 100 سالوں میں کیرل نے ایسی تباہی نہیں دیکھی تھی، جس کی مار ابھی وہ جھیل رہا ہے۔ سیلاب سے تباہ کیرالہ اور وہاں کے لوگوں کے لئے چاروں طرف سے مدد کے ہاتھ اٹھ رہے ہیں۔
ریاستوں سے لے کر لوگ ذاتی طور پر کیرالہ کو سیلاب کے قہر سے نکالنے کے لئے مدد کر رہے ہیں اور اپنی طرف سے عطیہ دے رہے ہیں۔تاکہ وہاں کے لوگوں کی زندگی کو محفوظ کیا جا سکے ۔اتر پردیش کے سابق وزیر اعلی اور سماجوادی پارٹی کے سربراہ اکھلیش یادو نے بھی کیرالہ میں سیلاب زدگان کے لئے دکھ کا اظہار کیا ہے۔ساتھ ہی اکھلیش نے کیرل میں ضرورت مندوں کی مدد کے لئے انفرادی طورپرعطیہ دینے کی بات بھی کہی۔
کیرالہ میں بارش کے بعد سیلاب کی شدت سے نبردآزما لوگوں کی مدد کے لئے اکھلیش یادو نے ٹویٹ کیا۔اکھلیش یادو نے لکھا کہ میں دل سے کیرالہ کے لوگوں کے پاس ہوں۔میں نے اور میری بیوی نے کیرل میں ضرورت مندوں کی مدد کرنے کے لئے ذاتی طور پر عطیہ کرنے کا فیصلہ کیا ہے ۔اگر آپ بھی ان کی مدد کر سکتے ہیں، تو براہ مہربانی اپنا تعاون ضرورپیش کریں۔ ان لوگوں کو یاد رکھیں جو کھو گئے اور کیرالا شہریوں کے لئے دعا کریں جو اب بھی اس سے متاثر ہیں ۔