اگر اکھلیش۔مایا پہل نہیں کریں گے تو کانگریس اکیلے الیکشن لڑے گی، بی جے پی کوہرانے کے لیے ساتھ آناضروری، راج ببرکاسخت رخ،ریزرویشن مسئلے پر حکومت کوگھیرا

Source: S.O. News Service | By Shahid Mukhtesar | Published on 8th January 2019, 12:07 AM | ملکی خبریں |

الہ آباد7جنوری(ایس او نیوز؍آئی این ایس انڈیا) مرکز کی مودی حکومت کی طرف سے غریب اعلی ٰذات کو دس فیصد ریزرویشن دیئے جانے کے مودی حکومت کی تجویز پر یوپی کانگریس کے صدر راج ببر نے کہا ہے کہ کانگریس پارٹی بھی اس کی حمایت میں ہے۔

ان کے مطابق کانگریس خود بھی پسماندہ اعلی ذات کوریزرویشن کے دائرے میں لانا چاہتی تھی، لیکن کئی وجوہات سے یہ ممکن نہیں ہو سکا تھا۔اگرچہ راج ببر نے خدشہ ظاہر کیا ہے کہ کہیں اعلی ذات کو ریزرویشن کا یہ فیصلہ بھی مودی حکومت کی جملے بازی نہ ثابت ہو۔

ان کا کہنا ہے کہ پی ایم مودی نے 2014 کے انتخابات کے وقت جو بھی وعدے کیے تھے، وہ تمام جملے بازی ہی ثابت ہوئے ہیں، ایسے میں مدت کے آخری وقت میں اس طرح کی تجویز صرف سیاسی فوائد کے لیے ہوسکتی ہے اور دوسرے وعدوں کی طرح جملے بازی ہی ثابت ہو سکتا ہے۔راج ببر کے مطابق مودی حکومت کے اس فیصلے سے لوک سبھا انتخابات میں کانگریس کو کوئی نقصان نہیں ہو گا۔

یوپی میں سماجوادی پارٹی اور بی ایس پی کی طرف سے آج کی گئی مشترکہ پریس کانفرنس اور اتحاد سے کانگریس کوالگ رکھے جانے کے فیصلے پر راج ببر نے کہا کہ الگ الگ لڑنے سے بی جے پی کو فائدہ ہو سکتا ہے، لہٰذا اگر بی جے پی کو ہرانا ہے تو سب کو ساتھ مل کررہناہوگا۔ان کے مطابق اکھلیش یامایاوتی نے ابھی تک اتحاد کو لے کر کانگریس پارٹی سے کوئی بات تک نہیں کی ہے۔اگریہ دونوں خود کانگریس سے بات نہیں کرتے ہیں، تو ان کی پارٹی اپنی طرف سے بات چیت کی کوئی پہل نہیں کرے گی اور اکیلے ہی الیکشن لڑے گی۔

ان کا کہنا ہے کہ ایس پی بی ایس پی اگر کانگریس کے ساتھ ملے ہوتے تو گزشتہ ماہ ہوئے تین ریاستوں کے انتخابات میں بی جے پی کو اور کراری شکست کاسامناکرنا پڑتا۔

ایک نظر اس پر بھی

بورڈنگ پاس پر مودی کی تصویر پر تنقید کے بعد ایئر انڈیا نے انہیں واپس لیا

ایئر انڈیا نے تنقید کے بعد وزیر اعظم نریندر مودی اور گجرات کے وزیر اعلی وجے روپانی کی تصاویر والے بورڈنگ پاس واپس لینے کا فیصلہ کیا ہے۔ایئر لائنز نے پہلے کہا تھا کہ تصاویر والے بورڈنگ پاس تیسری پارٹی کے اشتہارات کے طور پر جاری کئے گئے اور اگر یہ مثالی ضابطہ اخلاق کی خلاف ورزی ...

دہلی میں خدمات پر کنٹرول کے معاملے پر فیصلے کیلئے وسیع بنچ بنائے عدالت عظمی: آپ حکومت

قومی راجدھانی دہلی میں انتظامی خدمات پر کنٹرول کے معاملے پر جلد فیصلہ لینے کے لیے آپ حکومت نے پیر کو سپریم کورٹ سے ایک وسیع بنچ قائم کرنے کی درخواست کی۔چیف جسٹس رنجن گوگوئی اور جسٹس دیپک گپتا کی بنچ کے سامنے اس معاملے کا ذکر کیا گیا تو بنچ نے آپ حکومت کے وکیل سے کہا کہ اس پر غور ...

عدالت نے منی لانڈرنگ کیس میں گوتم کھیتان اور تین دیگر کو طلب کیا

دہلی کی ایک عدالت نے منی لانڈرنگ کے ایک معاملے میں ای ڈی کی طرف سے چارج شیٹ داخل کئے جانے کے بعد پیر کو وکیل گوتم کھیتان، ان کی بیوی ریتو اور دو کمپنیوں اسمیکس اور ونڈفور کو طلب کیا۔خصوصی جج اروند کمار نے چاروں ملزمان کو چار مئی کو پیش ہونے کے لئے کہا ہے

سبرامنیم سوامی بولے: میں برہمن ہوں، چوکیدار نہیں ہو سکتا

کانگریس کی جانب سے 'چوکیدار چور ہے" کا نعرہ اچھالے جانے کے جواب میں بھارتیہ جنتا پارٹی نے " میں بھی چوکیدار ہوں' کیمپین شروع کیا۔ اس کے بعد وزیر اعظم نریندر مودی سمیت بی جے پی کے تقریبا سبھی لیڈران نے مائیکرو بلاگنگ سائٹ ٹویٹر پر اپنے نام کے آگے 'چوکیدار' لفظ لگایا لیا۔

سشیل کمارمودی کا شتروگھن سنہا کو مشورہ، انتخابات نہ لڑیں، پولنگ ایجنٹ تک نہیں ملے گا

بی جے پی کے سینئر لیڈر اور بہار کے نائب وزیراعلیٰ سشیل کمارمودی نے پارٹی کے باغی لیڈر شتروگھن سنہاپرکراراحملہ بولاہے۔سشیل مودی نے کہا کہ شتروگھن سنہا کو پٹنہ صاحب لوک سبھا لوک سبھا میں پولنگ ایجنٹ ملنا مشکل ہو جائے گا۔