گدھے والی بات پرخواہ مخواہ جذباتی ہوگئے پی ایم،بلٹ ٹرین محض خواب
اکھلیش یادونے 2019میں بی جے پی کی شکست کی پیشن گوئی کی،کہا،یوپی سے ہوگاآغاز

نئی دہلی،24؍فروری (ایس اونیوز/آئی این ایس انڈیا )اترپردیشمیں پانچویں مرحلے کے لئے انتخابی مہم اپنے عروج پرہے۔لیڈر ایک دوسرے پر الزام تراشی کر رہے ہیں۔آج یوپی کے فیض آباد میں سی ایم اکھلیش یادو نے پی ایم مودی اور بی جے پی پر جم کر نشانہ لگایا۔اکھلیش نے کہاکہ ویسے تووزیر اعظم دنیا کے تمام ممالک میں گھوم آئے ہیں لیکن سوال یہ ہے کہ وہ آپ کے اور ہمارے لئے لائے کیا؟۔اکھلیش یادونے کہاکہ اگلی بار جب وزیر اعظم انتخابات میں جائیں گے تو یہ عوام آپ کو دہلی میں نہیں آنے دے گی اور اس کی شروعات اتر پردیش سے ہو رہی ہے۔اکھلیش نے کہاکہ وزیراعظم نے میٹرو کا بھی مذاق بنا دیا۔ آپ گجرات میں کئی بار وزیراعلیٰ رہے ایک بھی میٹرو ٹرین ہوتوبتائیں۔ہمیں بلٹ ٹرین کا خواب دکھایا۔اگر کہیں بھی بلٹ ٹرین ہو تو بتائیے۔تین سال ہو گئے ہیں حکومت اب تک گولی نہیں آئی دو سال میں بھی نہیں آئی۔70سے زیادہ ممبران پارلیمنٹ جتا دیئے لیکن بلٹ ٹرین کا راستہ کون سا ہے یہ ابھی کسی کو نہیں معلوم۔اکھلیش یادو نے کہاکہ انہوں نے کہا کہ ایک سرجیکل اسٹرائیک دشمن کے خلاف سرحدپرکر دی ہے اور دوسری سرجیکل اسٹرائیک نوٹ بندی سے کالے دھن پر کر دی ہے۔ہم پوچھنا چاہتے ہیں کتنا کرپشن ختم ہو گیا اور کتنا کالا دھن واپس آ گیا۔نوٹ بندی سے ملک کی معیشت کو دھوکہ دیا۔اکھلیش نے کہاکہ روپیہ یا نوٹ سیاہ نہیں ہوتا ہے، لین دین سیاہ ہوتا ہے۔وزیر اعظم ریڈیو پر من کی بات کرتے ہیں لیکن ہم کہتے ہیں کہ ذہن بات نہیں کام کی بات کریئے۔کیا کسی کے اکاؤنٹ میں 15لاکھ آئے؟۔اکھلیش یادونے کہاکہ اچھے دن کے بدلے آپ کو لائن میں لگا دیا۔تمام پیسہ جمع کروا لیا، وزیر اعظم نے کہا تھا کہ کالا دھن ختم کر دیں گے اورہر غریب کے اکاؤنٹ میں 15لاکھ آئیں گے۔کیا یہاں کوئی ایسا ہے جس کے اکاؤنٹ میں 15لاکھ آئے ہوں۔بینک کی لائن میں کئی غریبوں کی جان چلی گئی لیکن حکومت نے کوئی مددنہیں کی۔اگر کسی نے ان خاندانوں کی مدد کی تو وہ سماج وادی پارٹی نے کی۔ہم نے ایسے خاندانوں کو دو دو لاکھ روپے کی مدد دی۔اکھلیش نے کہاکہ ہم نے ایک اشتہار کی بات کہی تھی لیکن ہمیں نہیں پتہ تھا کہ وزیر اعظم اس کو اتنا سیریس لے لیں گے۔انہوں نے ہمیں کبھی کچھ بھی کہا ہم نے برا نہیں مانا۔ہمارے ایکسپریس وے کا مذاق بنایا، ہم نے کچھ نہیں کہا۔لیکن میں کہتا ہوں کہ ایسا ایکسپریس وہ ملک میں کسی حکومت نے نہیں بنایا۔وزیر اعظم جی کہتے ہیں کہ ہماری سڑکوں کے گڑھے بولتے ہیں لیکن میں دعوے کے ساتھ کہتا ہوں کہ اگر وہ ایکسپریس وے پر ایک بار چل لیں گے تو سائیکل کا بٹن دبادیں گے۔