نریش اگروال بیٹے سمیت بی جے پی میں شامل، لگایا اکھلیش پر الزام

Source: S.O. News Service | By Shahid Mukhtesar | Published on 12th March 2018, 8:58 PM | ملکی خبریں |

نئی دہلی،12؍ مارچ (ایس او نیوز؍آئی این ایس انڈیا)سماج وادی پارٹی کے سینئر لیڈر نہ ریش اگروال آج بی جے پی میں شامل ہو گئے۔نئی دہلی میں مرکزی وزیر پیوش گوئل نے انہیں بی جے پی ہیڈ کوارٹر میں پارٹی کی رکنیت دلوائی۔نریش اپنے بیٹے نتن اور کچھ اور ایس پی رہنماؤں کے ساتھ بی جے پی میں شامل ہوئے۔انہوں نے کہا کہ جب امیدواربنانے کا موقع آیا تو فلموں میں ناچنے والوں سے میرا موازنہ کرکے مجھے سائڈ لائن کر دیا گیا۔اگروال نے کہا کہ میں بی جے پی میں بغیر کسی شرط کے شامل ہوا ہوں اور کسی عہدے کے لالچ میں نہیں آیا ہوں۔اگروال نے کہا کہ راجیہ سبھا انتخابات میں ان کے ممبر اسمبلی بیٹے بی جے پی کو ووٹ دیں گے۔انہوں نے اکھلیش یادو پر نشانہ لگاتے ہوئے کہاکہ اتر پردیش اسمبلی انتخابات سے قبل ایس پی قومی پارٹی تھی لیکن انتخابات کے بعد علاقائی پارٹی کا درجہ بھی نہیں رہ گیا ہے اور جب چاہے تب بغیر عوام کی مرضی کی پرواہ کئے کبھی کانگریس سے تو کبھی بی ایس پی سے اتحاد کر لیتی ہے۔اگروال نے کہا کہ وہ ملائم سنگھ یادو اور رام گوپال یادو کا ساتھ کبھی نہیں چھوڑیں گے۔ اگروال نے کہا کہ آج جس طرح وزیر اعظم نریندر مودی کی قیادت میں ایک ایک کرکے تمام ریاست بی جے پی کی جھولی میں آتے جا رہے ہیں وہ ظاہر کرتا ہے کہ مودی حکومت کی پالیسیوں کو عوام پسند کر رہی ہے۔انہوں نے پارٹی میں شامل کرنے کے لیے بی جے پی صدر کا شکریہ ادا کیا۔اس سے پہلے اگروال نے بی جے پی صدر امت شاہ سے ملاقات کی۔اگروال کو اس بار ایس پی نے راجیہ سبھا انتخابات میں امیدوارنہیں بنایا تھا اسی کی وجہ سے وہ پارٹی سے ناراض ہوگئے تھے۔ایس پی میں غلبہ کی جنگ کے دوران اگروال نے ملائم کے بجائے اکھلیش یادو کا ساتھ دیا تھا لیکن جب ایک سیٹ پر راجیہ سبھا امیدوار کے انتخاب کی بات آئی تو اکھلیش نے نریش اگروال کے بجائے جیا بچن کو ایوان بالا بھیجنے کا فیصلہ کیا۔نریش آج صبح اپنے بیٹے کے ساتھ دہلی کے لئے روانہ ہوئے تھے جہاں 4 بجے انہوں نے پارٹی کی رکنیت لی۔نریش اگروال کے بیٹے نتن ابھی ہردوئی سے ایس پی کے رکن اسمبلی ہیں۔ وہ اسمبلی سے استعفی دے کر دوبارہ الیکشن لڑیں گے۔نتن اکھلیش حکومت میں کابینہ وزیر رہ چکے ہیں۔ اگروال ایس پی میں آنے سے پہلے بہوجن سماج پارٹی میں تھے اور پارٹی کے قومی جنرل سکریٹری تھے۔بی ایس پی نے انہیں لوک سبھا کا الیکشن لڑایاتھا لیکن وہ ہار گئے تھے۔اگروال بنیادی طور پر کانگریس لیڈر تھے لیکن کلیان سنگھ کی حکومت کو بچانے کے لئے ان کی قیادت میں کانگریس اتر پردیش میں منقسم ہوگئی تھی اور جمہوری کانگریس پارٹی بنائی گئی تھی۔کلیان سنگھ کی حکومت کے دوران وہ ریاست کے نائب وزیر اعلی بھی رہے۔بعد میں وہ بی ایس پی کے ساتھ آ گئے تھے اور پھر ایس پی میں ہوتے ہوئے اب بی جے پی کے ساتھ آ رہے ہیں۔

ایک نظر اس پر بھی

راجستھان میں اس بار 158 کروڑ پتی ممبر اسمبلی

راجستھان کی 15 ویں اسمبلی کے لئے نو منتخب 199 اراکین اسمبلی میں سے 158 کروڑ پتی ہیں۔ سال 2013 کے گزشتہ اسمبلی انتخابات میں یہ تعداد 145 تھی۔ ایسوسی ایشن آف ڈیموکریٹک ریفارمس (اے ڈی آر) کی رپورٹ کے مطابق کانگریس کے 99 میں سے 82 ممبران اسمبلی، بی جے پی کے 73 میں سے 58 ممبران اسمبلی، بی ایس پی ...

رافیل ڈیل پر فیصلے میں مبنی بر حقائق ’ اصلاح ‘کی مانگ کو لے عدلیہ پہنچی مرکزی حکومت

رافیل ڈیل پر سپریم کورٹ کے فیصلہ اور اس پر مچے سیاسی گھمسان کے درمیان مرکزی حکومت ایک بار پھر عدالت عظمی پہنچی ہے۔حکومت نے عرضی داخل کرکے رافیل ڈیل پر دیئے گئے فیصلے میں مبنی بر حقائق اصلاح کا مطالبہ کیا ہے۔ مرکز نے سپریم کورٹ سے فیصلے کے اس پیراگراف میں ترمیم کا مطالبہ کیا ہے، ...

پلوامہ تصادم: آخر ایک فوجی نے جنگجوئیت کیوں اختیار کی ؟ ظہور ٹھوکرفوجی کیمپ سے فرار ہو کرجنگجوئیت اختیار کی تھی

جنوبی کشمیر کے پلوامہ ضلع میں ہفتہ کو ایک تصادم میں سکیورٹی فورسز نے تین دہشت گردوں کو مار گرایا۔ اس تصادم میں مارے گئے دہشت گردوں میں ظہور احمد ٹھوکر بھی ہے، جو گزشتہ سال جولائی میں فوج کے کیمپ سے فرار ہو کر دہشت گرد تنظیم میں شامل ہو گیا تھا۔بتایا جا رہا ہے کہ مقامی باشندے ...

چھتیس گڑھ میں کون بنے گا وزیر اعلی؟ راہل گاندھی نے کیا اشارہ

پی اور راجستھان میں سی ایم کا اعلان کرنے کے بعد چھتیس گڑھ کے وزیر اعلی کے عہدے پر کانگریس میں پیچ پھنسا ہوا ہے۔ کانگریس صدر راہل گاندھی نے پی اور راجستھان کی طرح آج بھی ٹویٹر پر چھتیس گڑھ کے تمام سی ایم دعویداروں کے ساتھ تصویر تو پوسٹ کر دی ہے لیکن وزیر اعلی کون ہوگا اس پر پارٹی ...

دبئی: پکڑا گیا چھوٹا شکیل کا بھائی،ہندوستان حراست کی کوشش میں 

انڈر ورلڈ ڈان چھوٹا شکیل کے بھائی انور کو ابو ظہبی کے ایئر پورٹ پر کسٹم پولیس نے جمعہ کو گرفتار کر لیا ہے۔ انور کے پاس پاکستان کا پاسپورٹ ہے۔گرفتاری کے بعد بھارتی سفارت خانہ چھوٹا شکیل کے بھائی انور کو اپنے گرفت میں لینے کی کوششوں میں مصروف ہے جبکہ پاکستانی سفارت خانہ بھی اسے ...

بلند شہر تشدد : ملزم کی تصویر میں عام شہری، یوپی پولیس کی فضیحت 

بلند شہر تشدد ومیں ملزمان کی تصویر جاری کردی گئی ہے ۔18 ملزمان کی تصویر میں عمداً غلطی کے بعد یوپی پولیس کی کرکری ہو رہی ہے۔ دراصل ایک شخص نے یہ دعوی کیا ہے کہ ملزمان کی فہرست میں غلطی سے اس کی تصویر لگا دی گئی ہے۔ ابھی سٹی ایس پی نے کہا ہے کہ وہ معاملے کو دیکھ رہے ہیں اور تصویر غلط ...