اکھلیش نے ممتا بنرجی کی حمایت کی
لکھنؤ:4 /فروری (ایس اونیوز /آئی این ایس انڈیا) ایس پی صدر اکھلیش یادو نے چٹ فنڈ گھوٹالے میں کولکاتہ پولیس کمشنر سے پوچھ گچھ کرنے کی سی بی آئی کی کوشش کے خلاف دھرنے پر بیٹھیں مغربی بنگال کی وزیر اعلی ممتا بنرجی کی حمایت کی ہے۔اکھلیش نے پیر کو ٹویٹ کیا کہ بی جے پی حکومت کی استحصالی پالیسیوں اور سی بی آئی کے کھلے عام سیاسی غلط استعمال کی وجہ سے جس طرح ملک، آئین اور عوام کی آزادی خطرے میں ہے، اس کے خلاف ممتا بنرجی جی کے دھرنے کی ہم مکمل حمایت کرتے ہیں ۔انہوں نے کہا کہ آج اگلے انتخابات میں بی جے پی کو شکست دینے کے لئے ملک بھر میں حزب اختلاف اور عوام متحد ہے۔غورطلب ہے کہ شاردا پونجی گھوٹالہ معاملے میں کولکاتہ پولیس کمشنر سے پوچھ گچھ کرنے پہنچے سی بی آئی کی ایک ٹیم کو دروازے پر ہی روک دیا تھا اور اسے حراست میں لینے کے بعد چھوڑاتھا۔