اے جے سدا شیواکمیشن رپورٹ پر کارروائی جائزے کے بعد: کمار سوامی
بنگلورو،12؍اکتوبر(ایس او نیوز) وزیر اعلیٰ ایچ ڈی کمار سوامی کی صدارت میں آج شہر میں درج فہرست طبقات کے اراکین پارلیمان ، اراکین اسمبلی اور دیگر قائدین کا اجلاس منعقد ہوا جس میں جسٹس اے جے سدا شیواکمیشن کی رپورٹ کے متعلق تبادلۂ خیال کیا گیا۔
میٹنگ میں ریاستی وزیر سماجی بہبود پریانک کھرگے اور دیگر قائدین موجود تھے۔ کمار سوامی نے میٹنگ سے خطاب کرتے ہوئے کہاکہ اے جے سدا شیوا کمیشن رپورٹ کا تفصیلی جائزہ لینے کے بعد اس پر مناسب کارروائی کی جائے گی۔
میٹنگ میں سابق مرکزی وزیر اور کولار کے رکن پارلیمان کے ایچ منی اپا ، سابق وزراء ایچ آنجنیا ، آر بی تما پور، رکن پارلیمان ایل ہنومنتیا، جی چندرپا ، رکن کونسل دھرما سینا، وظیفہ یاب آئی اے ایس افسر وینکٹیا اور اے جے سدا شیواکمیشن رپورٹ کی تحریک سے وابستہ کمیٹی کے اراکین حاضر رہے۔