بھٹکل:5؍نومبر (ایس او نیوز) انجمن حامئی مسلمین بھٹکل کے صد سالہ جشن کی مناسبت سے انجمن انسٹی ٹیوٹ آف ٹکنالوجی ایند مینجمنٹ بھٹکل کے زیراہتمام پی یوسی طلبا و طالبات کے لئے ایک روزہ قابلیتی فسٹ ’’اسٹم 18‘‘کا  بروز پیر 5نومبر 2018کی صبح انجمن ایگزکیٹیو ممبر،میجرڈاکٹر محمد زبیر کولا کے ہاتھوں فسٹ کے لوگو کا اجراءکے ساتھ شاندارافتتاح عمل میں آیا ۔

فسٹ میں ضلع بھر سے آئے ہوئے  پی یو کالجوں کے 300طلبا نے چار مختلف قسم کے ایونٹس میں حصہ لیا۔فسٹ کے کوآرڈینیٹر کلیم الدین نے فسٹ کی تفصیلات بتاتے ہوئے کہاکہ فسٹ میں طلبا کی ذہنیت کو سامنے رکھتے ہوئے فزکس، کیمسٹری ، بائیولوجی اور حساب پر مشتمل الگ الگ مقابلہ جات رکھے گئے ہیں۔ فسٹ کا مقصد صرف یہ ہےکہ طلبا کی مخفی صلاحیتیوں کو  اجاگر کرنا ہے۔ فسٹ کے مقابلہ جات میں انعام تافتگان طلبا کی تفصیل کچھ اس طرح ہے۔

ماڈل ایکسپو: اول:ششی دھر نائک اینڈ ٹیم ، ایس ایم وی پی یوکالج سرسی ۔ دوم :انّییا اینڈ ٹیم ، ایم ای ایس چئتنیا کالج سرسی ۔ سوم:ساحل ایس گویکر اینڈ ٹیم ،سدھارتھ پی یوکالج بھٹکل

راوین کلا: اول: پردیوتھ ہیگڈے ،ایم ای ایس چئتنیا کالج سرسی۔ دوم: فاطمہ انس ، انجمن پی یوکالج فار گرلس بھٹکل

ٹک روڈیز: عائشہ شازم اور نہرین ،انجمن پی یوکالج فارگرلس بھٹکل ۔ دوم: ایام اسماعیل اور نہیہ ناز ، انجمن بھٹکل ۔ سوم:جسیکا پنٹو اور طیب مومن ،آنند آشرم پی یوکالج بھٹکل

پیریٹ: اول :اسحق ایم ایچ اور روہیت ،ایس وی پی یوکالج گنگولی ۔ دوم: عائشہ صدیقہ اور حنا قاضیہ ،انجمن پی یو کالج فارگرلس بھٹکل ۔ سوم : سوتیک اور نتیش ، ایم ای ایس چئتنیا سرسی۔

افتتاحی تقریب میں  مہمان خصوصی میجر ڈاکٹر محمد زبیر کولا نے طلبا سے خطاب کرتے ہوئے انہوں نےکہاکہ میری خوش قسمتی ہے کہ آج میں اپنے دو اساتذہ  کرام سید عبدالرحمن باطن اور ابوبکر قاسمجی کی موجودگی میں  آپ سے مخاطب ہوں ،آج جو کچھ بھی ہوں انہی اساتذہ کی مرہون منت ہوں میں ان کا شکریہ اداکرتاہوں۔ یہ سب اس  لئے بتایا کہ موجودہ دور کے طلبا بھی اپنے اساتذہ کا احترام کریں۔ انہوں نے جدید دنیا میں طلبا کے رول پر بات کرتے ہوئے کہاکہ طلبا میں مسابقاتی جذبہ کا ہونا بہت  ضروری ہے، ایک دوسرے سے فطری مقابلہ ہی طلبا کو کسی منزل پر پہنچاتاہے۔ انہوں نے خاص کر طلبا سے  کہاکہ ٹکنالوجی کی تیز رفتار ترقی ہمیں سست وکاہل نہ بنادے  بلکہ  اس کا استعمال اس طرح کرنا چاہئے کہ وہ ہماری چستی و چالاکی اور ذہانت میں ترقی کا باعث ہو ۔وہیں یہ بہت افسوس کی بات بھی ہے کہ ٹکنالوجی کی ترقی انسانی تعلقات پر اثر انداز ہورہی ہے۔ ہم رفتہ رفتہ تنہا ہوتے جارہے ہیں سماج سے ہمارا رشتہ کٹتا جارہاہے۔ ٹکنالوجی کی ترقی ہونی چاہئے مگر ہمیں اپنے انسانی تعلقات، باہمی محبت ، پیار کوبھی باقی رکھتے ہوئے آگے بڑھنا ہے۔

انجمن حامئی مسلمین بھٹکل کے نائب صدر سید عبدالرحمن باطن نے پروگرام کی صدارت کی۔ پرنسپال ڈاکٹر مشتاق بھاوی کٹی نے مہمانوں ، مندوبین اور سبھی شرکاء کا استقبال کیا۔ ایم بی اے کے صدر پروفیسر زاہد کھروری نے مہمان کا تعارف پیش کیا تو نائب پرنسپال ڈاکٹر پال چندر ا نے شکریہ اداکیا۔ ڈائس پر ایڈیشنل جنرل سکریٹری اسحق شاہ بندری ، کالج بورڈ سکریٹری ابوبکر قاسمجی موجود تھے۔