ایئرٹیل کا منافرت آمیز فرقہ وارانہ’ قدم‘ مسلم نمائندہ سے صارف راضی نہیں تو نوکری سے کردیا فارغ
نئی دہلی 20جون (ایس او نیوز؍ آئی این ایس انڈیا ) ملک میں فرقہ ورایت کا زہر آر ایس ایس اور دیگر فرقہ پرست ذیلی تنظیموں کی طرف سے پھیلایاگیا اب اس کا صاف اثر زندگی کے تمام شعبوں میں نظر آرہا ہے اسی ذیل میں ائیرٹیل کو اس وقت لوگوں کی بہت زیادہ مخالفت کا سامنا کرنا پڑا جب وہ ایک صارف کی مانگ پر ہندو نمائندہ بھیجنے کو تیار ہو گئی اور شعیب نامی مسلم نمائندہ کے مذہب و قرآن کے متعلق بھی ہذیانی گفتگو بھی کرڈالی۔ واضح ہو کہ پوجا نامی خاتون نے ائیرٹیل انڈیا سے ٹویٹر پر اپنے مسئلہ کے حل کے لئے لکھا۔ پوجا کے ٹویٹ کا جواب دیتے ہوئے بھارتی ائیرٹیل کے ایک کسٹمر کئیر ایگزیکٹو نے انہیں ان کی شکایات کو حل کرانے کی یقین دہانی کرائی۔واضح ہو کہ جس کسٹمر کئیر ایگزیکیٹیو نے پوجا کو جواب دیا تھا وہ مسلم تھا اور ان کا نام’’ شعیب ‘‘تھا۔ اس کے بعد پوجا نے اسسٹنٹ کے لئے ائیرٹیل سے ہندو نمائندہ کی مانگ کی۔واضح ہو کہ فرقہ پرست صارف پوجا کے ٹویٹر پر 10،500 فالوورز ہیں۔اس ایگزیکٹیو شعیب کے مذہب پر سوال اٹھاتے ہوئے پوجا نے دوسرا ٹویٹ کرتے ہوئے ائیرٹیل سے ایگزیکٹیو بدلنے کا مطالبہ کیا۔ کسٹمر نے ٹویٹ کیا، "عزیز شعیب، آپ ایک مسلمان ہیں اور مجھے آپ کے کام کرنے کے طریقہ پر یقین نہیں ہے کیونکہ آپ کے’’ قرآن‘‘ میں کسٹمرز کی سروس کا کچھ الگ ہی طریقہ ہو گا۔ میں چاہتی ہوں کہ میری مدد کے لئے ائیرٹیل ایک ہندو نمائندہ منتخب کرے۔تاہم جموں و کشمیر کے سابق وزیر اعلیٰ عمر عبداللہ نے اس معاملے میں ائیرٹیل کو آڑے ہاتھوں لیا۔ انہوں نے ٹویٹ کیاکہ میں نے پوری بات چیت پڑھی اور میں اپنا نمبر پورٹ کروا رہا ہوں۔ ساتھ ہی میں ائیرٹیل ڈی ٹی ایچ کنکشن بھی بند کروا دوں گا۔تنازعہ بڑھنے پر ائیرٹیل انڈیا نے صفائی دیتے ہوئے کہا کہ وہ اپنے کسی بھی کسٹمر یا ملازم کے ساتھ ذات یا مذہب کے نام پر بھیدبھاو نہیں کرتی۔ کمپنی نے سبھی سے درخواست کی کہ اس واقعہ کو مذہبی رنگ نہ دیا جائے۔
