آئندہ 72 گھنٹوں میں شام کے خلاف ممکنہ کارروائی، فضائی کمپنیوں کے لیے انتباہ جاری

Source: S.O. News Service | By Shahid Mukhtesar | Published on 11th April 2018, 3:58 PM | عالمی خبریں |

و اشنگٹن 11اپریل (ایس او نیوز؍ آئی این ایس انڈیا) فضائی سلامتی کی یورپی تنظیم (یورو کنٹرول) نے فضائی کمپنیوں کو متنبہ کیا ہے کہ وہ آئندہ 72 گھنٹوں کے دوران شام پر فضائی حملوں کے امکان کے سبب مشرق وسطی میں خبردار رہیں۔منگل کے روز جاری بیان میں یورو کنٹرول کا کہنا ہے کہ مذکورہ عرصے کے دوران فضا سے زمین میں مار کرنے والے میزائل یا کروز میزائل اور یا پھر ایک ساتھ دونوں کا استعمال کیا جا سکتا ہے۔ اس کے علاوہ وائرلیس نیوی گیشن سسٹم کے عمل میں وقفے وقفے سے خلل پڑنے کا بھی امکان ہے۔منگل کے روز شام کے سلسلے میں سلامتی کونسل کے اجلاس میں امریکا اور روس کے بیچ شام میں کیمیائی ہتھیاروں کے استعمال کے حوالے سے جھڑپ ہو گئی۔ امریکا اور اس کے حلیف رواں ہفتے کے آغاز پر مبینہ طور پر زہریلی گیس کے حملے کے حوالے سے شامی حکومت کی فوج کو نشانہ بنانے پر غور کر رہے ہیں۔یورو کنٹرول تنظیم نے اپنے انتباہی بیان میں European Aviation Safety Agency کی دستاویز کا حوالہ دیا ہے تاہم اس کی کاپی حاصل نہیں ہو سکی ہے۔ادھر روسی نیوز ایجنسی انٹرفیکس نے منگل کے روز باخبر ذریعے کے حوالے سے بتایا ہے کہ جن فضائی کمپنیوں کی پروازیں بحیرہ روم پر سے گزرتی ہیں ان کمپنیوں کو برسلز میں آپریشنز مینجمنٹ سینٹر کی جانب سے اطلاع دی گئی ہے کہ شام پر ممکنہ میزائل حملوں کے سبب مذکورہ علاقے میں طیاروں کے رْوٹس پر نظر ثانی کیے جانے کا امکان ہے۔ ذریعے کے مطابق یہ اطلاع فضائی کمپنیوں کی ایک بڑی تعداد کو دی گئی جن میں یورپ اور روس کے علاوہ آزاد ممالک کی دولت مشترکہ کے ریجن سے تعلق رکھنے والے ممالک کی کمپنیاں شامل ہیں۔

ایک نظر اس پر بھی

نیویارک کے مرکزی علاقے میں زیر زمین بھاپ پائپ لائن پھٹنے سے دھماکے

نیویارک شہر کے فائر ڈپارٹمنٹ نے کہا ہے کہ مین ہیٹن کی گلیوں میں زیر زمین گزرنے والا ایک ہائی پریشر بھاپ کا پائپ پھٹ گیا جس کے نتیجے میں ففتھ ایونیو کے مرکز میں واقع ایک سوراخ سے بھاپ نکل کر ہوا میں پھیلنا شروع ہو گئی۔

ترک بچوں اور خواتین کا جنسی استحصال کرنے والا خود ساختہ مذہبی رہنما گرفتار

استنبول کی ایک عدالت نے بزعم خود ایک اسلامی فرقے کے رہنما اور ٹی وی پر تبلیغ کرنے والی شخصیت عدنان اوکتار کو 115 دیگر پیروکاروں سمیت مختلف الزامات کی مزید تفتیش کے لئے پولیس کے حوالے کر دیا ہے۔ عدنان اوکتار پر جرائم پیشہ گینگ قائم کرنے، دھوکادہی اور جنسی استحصال کے الزامات ہیں۔

مقتدیٰ الصدر نے مظاہرین کی حمایت کردی ،نئی حکومت کی تشکیل مُوَخَّر کرنے کا مطالبہ

عراق کے سرکردہ شیعہ لیڈر مقتدیٰ الصدر نے ملک کے جنوبی صوبوں میں احتجاج کرنے والے مظاہرین کی حمایت کردی ہے او ر تمام متعلقہ سیاست دانوں پر زور دیا ہے کہ وہ مظاہرین کے بہتری شہری خدما ت کی فراہمی کے مطالبات پورے ہونے تک نئی حکومت کی تشکیل کے لیے مذاکرات کا سلسلہ معطل کردیں ۔