ایئر انڈیا تنازعہ میں شکایت ملنے پر ہی ممبر پارلیمنٹ پر کارروائی ہوگی:سمترا مہاجن
نئی دہلی:24/مارچ(ایس او نیوز/آئی این ایس انڈیا)شیوسیناکے ممبرپارلیمنٹ رویندر گائیکواڑ کی طرف سے ایئر انڈیا کے ملازم سے بدسلوکی اورمار پیٹ کے معاملے پرلوک سبھااسپیکرسمترامہاجن نے جمعہ کو کہا کہ وہ خود سے کوئی کارروائی نہیں کر سکتیں، شکایت ملنے پر ہی کارروائی ہوگی۔لوک سبھاصدر نے کہاکہ واقعہ پارلیمنٹ کے باہر ہوا ہے، اس لیے تفصیلات کا پتہ لگایا جائے گا اور شکایت ملنے پر کارروائی کی جائے گی۔ادھر شیوسیناممبر پارلیمنٹ کو ایئر انڈیا کی طرف سے بلیک لسٹ کئے جانے کی خبروں پر رد عمل ظاہر کرتے ہوئے انڈین ایئر لائنس یونین (ایف آئی اے)کے ڈائریکٹر اجول ڈے نے کہاکہ انہوں نے شیوسیناکے ممبرپارلیمنٹ رویندرگائیکواڑپرپابندی نہیں لگائی ہے، ان کے پاس کسی پرپابندی لگانے کاحق نہیں ہے۔ایئر انڈیافیڈریشن آف انڈین ایئرلائنز (ایف آئی اے)کا حصہ نہیں ہے۔قابل ذکرہے کہ جمعرات کو پونے سے دہلی آنے کے دوران شیوسینا کے ممبرپارلیمنٹ رویندر گائیکواڑ نے سیٹ تنازعہ کو لے کر ایئر انڈیا کے ایک ملازم سے بدسلوکی کی تھی اوران کی پٹائی بھی کردی۔اس پر ایئر انڈیا نے ان کے خلاف ملازم کو پیٹنے اورہوائی جہاز کوزبردستی 40منٹ روک کر رکھنے کے معاملے میں دوایف آئی آر درج کرائی ہے اور انہیں بلیک لسٹ بھی کر دیاہے۔ممبرپارلیمنٹ نے بھی اس معاملے میں لوک سبھااسپیکرسمترامہاجن اور شہری ہوا بازی کے وزیر گجپتی راجو کو خط لکھ کر اپنا موقف رکھاہے۔