منگلورو : لوک سبھا انتخابات کے لئے سیٹوں کی تقسیم :10فروری کے بعد کانگریس اور جے ڈی ایس کی میٹنگ : وینوگوپال
منگلورو:03؍فروری (ایس او نیوز)آئندہ ہونےو الے لوک سبھا انتخابات کے متعلق ریاست میں حلقوں کی تقسیم کو لے کر 10 فروری کے بعد کانگریس اور جے ڈی ایس لیڈران کی میٹنگ میں متعلق غور کیا جائے گا۔ ان باتوں کی ریاستی کانگریس نگراں کار اے آئی سی سی کے جنرل سکریٹری کے سی وینوگوپال نے جانکاری دی ۔
کیرلا کے کاسرگوڈ ضلع میں منعقد ہونےو الے پروگرام میں شرکت کے لئے جانے سے پہلے اتوار کی دوپہر شہر کے سرکٹ ہاؤس میں اخبارنویسوں سے بات کرتے ہوئے انہوں نے کہاکہ دونوں پارٹیوں کے لیڈران کی میٹنگ میں پارلیمانی نشستوں کی تقسیم کےمتعلق تفصیلی بات چیت کی جائی گی ، اس کے بعد ہی معاہدہ کو حتمی شکل دی جائی گا۔
سابق وزیرا علیٰ سدرامیا کے حامیوں کی طرف سے حکومت مخالف رویہ کے الزام پر انہوں نے کہاکہ کانگریس میں کوئی گروہ بندی نہیں ہے، اختلافات اور انتشار بھی نہیں ہے، اے آئی سی سی صدر راہول گاندھی کی قیادت میں پارٹی متحد ہے، مخلوط حکومت کو ہمارا پورا تعاون حاصل ہے، پارٹی میں کسی نے بھی حکومت کے خلاف بات کی تو کارروائی کرنے کی بات کہی۔ چونکہ وزیرا علیٰ کمار سوامی کی قیادت میں غریبوں اور عام عوام کے لئے بہترین کام کئے جارہےہیں جس سے بوکھلائی بی جےپی افواہوں کو پھیلا رہی ہے، جس دن سے سرکار نے حلف لیا ہے اسی دن سے وہ لوگ حکومت گرنے کی باتیں کہہ رہے ہیں، مگر آپ دیکھتے رہئیے کچھ ہونے والا نہیں ہے۔
بی جے پی کے آپریشن کمل پر وینوگوپال نےکہاکہ بی جے پی کی طرف سے آپریشن کمل کی سازش جھوٹی نہیں ہے ، پہلے جب بی ایس یڈیورپا وزیرا علیٰ تھےتو بی جے پی نے یہی کام کیا ہے، مگر ہمیں ہمارے ارکان اسمبلی پر مکمل یقین ہے ، وہ بی جے پی کی لالچ میں نہیں آنے کی بات کہی۔