نئی دہلی، 20 فروری(ایس او نیوز؍آئی این ایس انڈیا) آلو سے سونا بنانے والے راہل گاندھی کے بیان کا سوشل میڈیا پر بہت مذاق اڑا تھا،اب ان کی پارٹی کے وزیر اعلی بھی ایسی ہی چیزیں دے رہے ہیں۔

منگل کو مدھیہ پردیش کے دارالحکومت بھوپال میں وزیر اعلی کمل ناتھ اور صنعت کاروں کے درمیان راؤنڈ ٹیبل میٹنگ ہوئی جس میں یہ بات نکل کر آئی کہ آلو کے بزنس سے لوگ اربپتی ہو جائیں گے۔اس تجویز کو وزیر اعلی نے منظور بھی کر لیا۔آشا گروپ آف کمپنیز کے ایم ڈی دیپک دریانی نے وزیراعلیٰ کو مشورہ دیا کہ مدھیہ پردیش کا کسان آلو کی پیداوار سے ارب پتی بن سکتا ہے،اس کے بارے میں دریانی نے تفصیلی طور سے وزیر اعلی کمل ناتھ سے بحث کی۔

دریانی نے بتایا کہ پہلے پاؤڈر بنا کرآلو کو ڈھائی سال تک رکھا جا سکتا ہے پھر اس سے چپس بنائیں یا کچھ اور،آلو ایکسپورٹ بھی ہوگا۔8 ویں سے 12 ویں تک کے بچوں کو سال میں چار بار ہمارے ادارے کادورہ کرائیں،گرمیوں کی چھٹیوں میں بھیجیں،کام کریں گے تو پیسہ بھی دیں گے،کنفیکشنری کی کلسٹر بنے تو فائدہ ہو گا،اس کے لئے سی ایم کمل ناتھ تیار بھی ہو گئے۔وہیں کمپنیوں کے نمائندوں نے بات اٹھائی کہ فیکٹری کا گندہ پانی دریاؤں میں جاتا ہے تو ماحولیات کا مسئلہ بنتاہے۔اس لئے پانی کے نکلنے کا انتظام کریں تو خرچ صنعت میں سرمایہ کاری سے زیادہ ہوگی۔

حکومت انڈسٹریل ایریا میں ٹریٹمنٹ پلانٹ لگائے،فیکٹری کے پانی کی پیمائش کرے اور جس فیکٹری کا جتنا پانی ہوگا، اتنا فی لیٹر پیسہ لیا جائے۔کمل ناتھ نے اس تجویز کی بھی تعریف کی۔گجرات میں اسمبلی انتخابات 2017 کے دوران راہل گاندھی کا یہ بیان سوشل میڈیا پر جم کر وائرل ہوا تھا جس میں راہل گاندھی نے آلو کے کسانوں کو کہا کہ ایسی مشین لگا ؤں گا کہ اس طرف سے آلو گھسے گا، اس سائیڈ سے سونا نکلے گا۔اس سائیڈ سے آلو ڈالو، اس سائیڈ سے سونا نکالو،اتنا پیسہ بنے گا کہ آپ کو پتہ نہیں چلے گا کہ کیا کرنا ہے پیسے کا۔