آگرہ ایکسپریس وے پر اتریں گے فضائیہ کے ہوائی جہاز، 20 سے 24 اکتوبر تک کریں گے مشق
لکھنؤ،19؍اکتوبر(ایس او نیوز؍آئی این ایس انڈیا)اتر پردیش کے آگرہ ایکسپریس وے پر فضائیہ کے ہوائی جہاز 24 اکتوبر کو اترنے اور پرواز کی مشق کریں گے۔ ویسے تو اس پرمشق گزشتہ سال بھی ہو چکی ہے؛ لیکن اس بار نقل و حمل ہوائی جہاز (اے این 32) بھی اس ایکسپریس وے پر اتریں گے اور پرواز کریں گے ۔ اس بار فضائیہ کے کل 20 طیارے ایکسپریس وے پر اتریں گے اور پرواز بھریں گے. اس مشق کے پیش نظر آگرہ۔لکھنؤ ایکسپریس وے کے کچھ حصوں میں 20 اکتوبر سے 24 اکتوبر تک ٹریفک بند رہنے کا امکان ہے ۔ وزارت دفاع (مرکزی کمانڈ) کی افسر تعلقات عامہ گارگی ملک سنہانے خصوصی بات چیت میں کہا کہ بھارتی فضائیہ آگرہ۔لکھنؤ ایکسپریس وے اناؤ ضلع کے قریب ایئرا سٹرپ پر اترنے اور پرواز کی مشق کرے گی۔ اس مشق میں بھارتی فضائیہ کے 20 طیارے حصہ لیں گے جس میں لڑاکا اور نقل و حمل ہوائی جہاز بھی شامل ہوں گے۔ ان میں میراج 2000، جگوار، سکھوئی 30 اور اے این ۔32 ٹرانسپورٹ طیارے شامل ہوں گے، اترنے اور پرواز کی مشق 24 اکتوبر کو صبح 10 بجے سے ہوگی ۔ ویسے تو گزشتہ سال جب آگرہ ایکسپریس وے کا آغازکیا گیا تھا تب بھی اس پر طیاروں نے اترنے اور پرواز کی مشق کی تھی ۔ اگرچہ اس بار کی خاصیت یہ ہے کہ پہلی بار یہاں فضائیہ کے نقل و حمل ہوائی جہاز اس ایکسپریس وے پر اتریں گے اور پرواز بھریں گے۔ گزشتہ سال اس ایکسپریس وے کے افتتاح کے موقع پر آٹھ لڑاکا جیٹ طیارے اس پر اترے تھے اور اڑان بھری تھی۔