اگر ایجنڈا ترقی کا ہے تو فرقہ پرستی کی باتیں کیوں؟ کیا اشتعال انگیزی پر گرفت نہ کرنے کا مطلب رضا مندی  نہیں ؟

Source: S.O. News Service | By Saif Akrami Bhatkal | Published on 13th February 2017, 11:57 AM | اسپیشل رپورٹس |

یوں تو بی جے پی لیڈران  سال بھر ملک کی ترقی اور حالات بدلنے کی باتیں کرتے نہیں تھکتے لیکن جب الیکشن ہواور وہ بھی ملک کی سب سے بڑی اور سب سے حّساس ریاست اُتر پردیش میں تو،  بلی تھیلے سے باہر آ ہی جاتی ہے اور گھوم پھر کر بات فرقہ پرستی کی ہی ہوتی ہے۔بڑے لیڈر بھلے ہی اپنی امیج کا خیال رکھتے ہوئے اپنے انتخا بی جلسوں میں جو اُنگلیوں پر گنے جا سکتے ہیں،بڑھ چڑھ کر ترقی کی باتیں کرتے ہیں،عوام کو سبز باغ دکھا تے ہیں اور دوسری پارٹیوں کو کمزور بتانے میں کوئی کسر باقی نہیں چھوڑتے ہیں لیکن وہ لیڈر جو دن رات ریاست میں رہتے ہیں اور پارٹی کی ریاستی سیاست کا کام سنبھالتے ہیں،وہ علاقائی سطح پر فرقہ پرستی کا اپنا کام کرتے رہتے ہیں۔وہ کوئی بھی بیان دیں وہ کسی کے خلاف کچھ بھی  کہیں اور کسی کو دھمکی دیں پارٹی اُنہیں کچھ نہیں کرتی ہے دیگر پارٹیاں ان بیانات کا نوٹس لیتی رہتی ہیں۔میڈیا بھی ان کو دکھاتا اور ان پر بحث کراتا رہتا ہے لیکن پارٹی کی قیادت ایسے لیڈروں کے خلاف کوئی کاروائی نہیں کرتی۔زیادہ سے زیادہ ان کے بیانات کی یا تو تاویل کردی جاتی ہے یاذ اتی رائے بتا کر پارٹی اپنا دامن جھا ڑلیتیہے اور مستقبل کے لئے بھی کوئی رہنما ہدایت جاری نہیں کی جاتی۔

حسب سابق اس بار اُتر پردیش کے اسمبلی انتخاب میں بی جے پی کے وہ ریاستی لیڈر جو اشتعال انگیزی کے لئے مشہور ہیں،وہی کر رہے ہیں۔اور سماج میں پھوٹ ڈال کرپارٹی کو کامیابی سے ہمکنار کرنا چاہتے ہیں۔اُن کے نزدیک ترقی کوئی معٰنی نہیں رکھتی بلکہ پھوٹ ڈالنا اُن کا مطلب ہے۔اس کے لئے وہ خود کو خبروں میں لاتے ہیں تو فرقہ پرستی کی سیاست کرتے نظر نہیں آتے اُتر پردیش میں جیسے جیسے ووٹنگ کا وقت قریب آرہا ہے تو وکاس کا خواب دکھا رہے ہیں لیکن چھوٹے لیڈر صرف فرقہ پرستی کی باتیں کر رہے ہیں ۔اب پارٹی کے لیڈر سریش رانا جو ریاستی اکائی کے نائب صدر اور تھانہ بھوں اسمبلی حلقے سے پارٹی کے اُمیدوار ہیں اور اُن کا نام 2013 کے مسلم مخالف فسادات میں بھی آچکا ہے،ان کے اس بیان کا کیا مطلب نکالا جائے جو اُنہوں نے ایک ریلی میں کہا کہ اگر وہ جیت گئے تو کیرانہ ،دیو بند اور مراد آباد میں کرفیو نافذ کردیں گے۔کیاکرینگے کہ کرفیونافذ ہوجائیگا یہ تونہیں بتایا لیکن سب جانتے ہیں کہ وہ کیا کہنا چاہتے ہیں۔بعد میں جب میڈیا نے ان کے بیان پر بحث کرانی شروع کی تو تاویل کر کے معاملے کو رفع دفع کرنے لگے۔سوال یہ ہے کہ کیا تاویل سے مسئلہ حل ہو جائیگا ؟ایسا کہنے کی ضرورت ہی کیوں جو کسی کو پسند نہیں؟اسی طرح مظفر نگر سے بی جے پی کے ممبر پارلیمنٹ سنجیو بالیاں کا یہ بیان  شایدہی کسی کے حلق سے اُترے جو اُنہوں نے سماج وادی پارٹی کے لیڈر ملائم سنگھ یادو کے بارے میں کہا میں اُن سے کہنا چاہتاہوں کہ اب مرنے کا وقت آگیا ہے ۔جینے کا وقت نہیں رہا۔اس طرح کے بیان سے یہ لیڈر خبروں میں رہتے ہیں لیکن پارٹی اُن کے بارے میں کیا رائے قائم کرتی ہے۔اس بابت پارٹی کا خاموشی اختیار کرنے سے صاف صاف ظاہر ہوتا ہے کہ یہ سب پارٹی کی منصوبہ بندی اور حکمت عملی کے تحت ہی ہوتا ہے۔جس طرح دیگر لیڈروں کو دوسرے ایشوز اُٹھانے کی ذمّہ داری دی جاتی ہے اور اُن کا داائرہ کار ا س کام تک محدرد دہوتاہے ۔اُن کے منہ سے کبھی ترقی یا عوام کی بہبودی کی باتیں نہیں نکلتی ہیں۔ایک دو بیانات ہو تو نظر انداز کیاجاسکتا ہے مگر ہر الیکشن میں ایسا دیکھنے کو ملتا ہے اور کچھ مخصوص لیڈر ہی یہ کام اس طرح کرتے ہیں جیسے وہ کام کے لئے رکھے گئے ہوں  اسی لئے کسی بیان یا اشتعال انگیزی پر ان کو طلب نہیں کیا جاتا ہے نہ سرزنش کی جاتی ہے نہ آگے باز رہنے کی ہدایت جاری کی جاتی ہے۔

لوک سبھا الیکشن سے پہلے مظفر نگر فسادات کے ذریعے سماج میں پھوٹ ڈالنے کا کام کیا گیا تھا،بعد میں انتخابی مہم کے دوران فرقہ پرستی کی خوب سیاست کی گئی تھی اور یہ حربہ کامیاب بھی رہا۔ اب اسمبلی انتخابات  میں بھی وہی اشتعال انگیزی کی جارہی ہے اور تقریریں کی جارہی ہیں ایسے ایسے بیانات دئے جارہے ہیں جن کا ایک مہذب سماج میں تصور بھی نہیں کیا جاسکتا ۔ان سے نہ ملک کو فائدہ پہونچ سکتا ہے اور نہ عوام کو، لیکن ان کے نام پر ووٹ مانگنے اور حکومت بنانے کا کام کیا جاسکتا ہے۔بپھر وہ حکومت کیسی ہوگی جس کی بنیاد فرقہ پرستی اور اشتعال پرستی پر ڈالی جائے۔سنگیت سوم یا سریش رانا ہو،سنجیو بالیاں ہوں یا ونئے کیٹیار و آدیتہ ناتھ یوگی وغیرہ ایسے لیڈروں کی بی جے پی میں کوئی کمی نہیں ہے اور ان کا صرف ایک ہی ایجنڈا فرقہ پرستی کی سیاست کرنا ہوتا ہے۔عام حالات میں تو وہ یہ  کا م کر تے ہیں الیکشن کے دوران خاص طور پرکرتے  ہیں
اشتعال انگیز بیانات یا دھمکی کی نہ تاویل کی جاسکتی ہے اور نہ پارٹی کی خاموشی سے یہ اندازہ لگایا جاسکتا ہے کہ وہ اس کی پالیسی نہیں ہے۔ اگر لیڈر اس طرح کا کام کر رہے ہیں تو یہ پارٹی کی ذمہ داری ہے کہ وہ اُن کی سرزنش کرے۔ اگر وہ نہیں کرتی ہے تو یہی سمجھا جائے کہ اس میں اس کی خاموش حمایت شامل ہے۔اس سوال کو نظر انداز نہیں کیا جاسکتاہے کہ اگر یہ ترقی کا ایجنڈا ہے تو فرقہ پرستی کی باتیں کیوں؟

(بشکریہ دعوت)
 

ایک نظر اس پر بھی

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

بلقیس بانو کیس۔ انصاف کی جدوجہد کا ایک سنگ میل ......... آز: ایڈووکیٹ ابوبکرسباق سبحانی

سترہ سال کی ایک لمبی اور طویل عدالتی جدوجہد کے بعد بلقیس بانو کو ہمارے ملک کی عدالت عالیہ سے انصاف حاصل کرنے میں فتح حاصل ہوئی جس فتح کا اعلان کرتے ہوئے عدالت عالیہ (سپریم کورٹ آف انڈیا) نے گجرات سرکار کو حکم دیا کہ وہ بلقیس بانو کو پچاس لاکھ روپے معاوضہ کے ساتھ ساتھ سرکاری نوکری ...

بھٹکل کے نشیبی علاقوں میں کنووں کے ساتھ شرابی ندی بھی سوکھ گئی؛ کیا ذمہ داران شرابی ندی کو گٹر میں تبدیل ہونے سے روک پائیں گے ؟

ایک طرف شدت کی گرمی سے بھٹکل کے عوام پریشان ہیں تو وہیں پانی کی قلت سے  عوام دوہری پریشانی میں مبتلا ہیں، بلندی والے بعض علاقوں میں گرمی کے موسم میں کنووں میں پانی  کی قلت  یا کنووں کا سوکھ جانا   عام بات تھی، مگر اس بار غالباً پہلی بار نشیبی علاقوں میں  بھی پانی کی شدید قلت ...

مفرور ملزم ایم ڈی مُرلی 2008کے بعد ہونے والے بم دھماکوں اور قتل کااصل سرغنہ۔ مہاراشٹرا اے ٹی ایس کا خلاصہ

مہاراشٹرا اینٹی ٹیرورازم اسکواڈ (اے ٹی ایس) کا کہنا ہے کہ سن  2008 کے بعد ہونے والے بہت سارے بم دھماکوں اور پنسارے، دابولکر، کلبرگی اور گوری لنکیش جیسے ادیبوں اور دانشوروں کے قتل کا سرغنہ اورنگ آباد کا رہنے والا مفرور ملزم ایم ڈی مُرلی ہے۔

اب انگلش میڈیم کے سرکاری اسکول ؛ انگریزی میڈیم پڑھانے والے والدین کے لئے خوشخبری۔ ضلع شمالی کینرا میں ہوگا 26سرکاری انگلش میڈیم اسکولوں کا آغاز

سرکاری اسکولوں میں طلبہ کے داخلے میں کمی اور والدین کی طرف سے انگلش میڈیم اسکولوں میں اپنے بچوں کے داخلے کے رجحان کو دیکھتے ہوئے اب سرکاری اسکولوں میں بھی انگلش میڈیم کی سہولت فراہم کرنے کا منصوبہ بنایاگیا ہے۔

لوک سبھا انتخابات؛ اُترکنڑا میں کیا آنند، آننت کو پچھاڑ پائیں گے ؟ نامدھاری، اقلیت، مراٹھا اور پچھڑی ذات کے ووٹ نہایت فیصلہ کن

اُترکنڑا میں لوک سبھا انتخابات  کے دن جیسے جیسے قریب آتے جارہے ہیں   نامدھاری، مراٹھا، پچھڑی ذات  اور اقلیت ایک دوسرے کے قریب تر آنے کے آثار نظر آرہے ہیں،  اگر ایسا ہوا تو  اس بار کے انتخابات  نہایت فیصلہ کن ثابت ہوسکتےہیں بشرطیکہ اقلیتی ووٹرس  پورے جوش و خروش کے ساتھ  ...