بنگلور، 28/ستمبر(ایس او نیوز/آئی این ایس انڈیا) اڑ ی دہشت گردانہ حملے کے بعد ہندوستان پاکستان کے رشتوں میں آئی تلخی کے درمیان، پاکستان کے کلاسیکل گلوکار شفقت امانت علی کا یہاں جمعہ کو مجوزہ پروگرام منسوخ کر دیا گیا ہے۔ریڈیو مرچی گروپ کے مینیجر(سیلز)شری نواس نے یہاں میڈیا  سے کہاکہ ہم نے پاکستانی گلوکار شفقت امانت علی کا پروگرام منسوخ کرنے کا فیصلہ کیاہے، ہم نے اڑ ی حملے کے بعد یہ فیصلہ کیا۔شری نواس نے کہاکہ پروگرام 30/ستمبر کو طے تھا، لیکن فیصلہ 20/ستمبر کو ہی ہو گیا تھا۔انہوں نے کہاکہ پروگرام منسوخ کرنے کے مطالبہ کو لے کر بھگوا تنظیموں کی طرف سے مسئلہ اٹھائے جانے سے کافی پہلے ہی 20/ستمبر کو پروگرام منسوخ کر دیا گیا تھا۔ بجرنگ دل اور وشو ہندو پریشد نے حال ہی میں کچھ دنوں قبل پروگرام کی مخالفت کرتے ہوئے اس مسئلہ اٹھایا تھا۔شری نواس نے کہا کہ عوامی سلامتی اور سیکورٹی کے مسائل پر غور کرنے کے بعد یہ پروگرام منسوخ کیا گیا۔واضح رہے کہ وی ایچ پی اور بجرنگ دل اڑ ی حملے میں 18جوانوں کے شہید ہونے کے بعد سے پروگرام منسوخ کرنے کا مطالبہ کر رہی تھی۔بجرنگ دل کی کرناٹک اکائی کے سربراہ سوریہ نارائن نے کہا کہ پاکستانی گلوکار کو مدعو کرنے کی کوئی ضرورت نہیں ہے۔انہوں نے کہاکہ ہر کوئی جانتا ہے کہ پاکستان کیا ہے۔ہر روز وہ کئی ہندوستانی فوجیوں کو مار رہا ہے، دنیا پاکستان کو دہشت گرد ملک قرار دینے کے راستے پر ہے۔ایسی صورت میں پاکستانی گلوکار کو یہاں بلانے کی کیا ضرورت ہے۔سوریہ نارائن نے کہا کہ اس وجہ سے بجرنگ دل نے پولیس میں شکایت کرکے پروگرام منسوخ کو کرنے کا مطالبہ کیا اور پولیس اور ریڈیو مرچی کو خبردار کیا کہ کوئی ناخوشگوار واقعہ ہونے پر وہ خوداس کے ذمہ دار ہوں گے۔