ریٹائرمنٹ لینے کے بعد اب نوجوان کرکٹروں کو ٹریننگ دیں گے آر پی سنگھ

Source: S.O. News Service | By Shahid Mukhtesar | Published on 6th September 2018, 2:04 PM | اسپورٹس |

لکھنؤ،6؍ ستمبر (ایس او نیوز؍آئی این ایس انڈیا)کرکٹ سے ریٹائرمنٹ لینے والے اتر پردیش کے سابق بین الاقوامی فاسٹ بولر آر پی سنگھ نے بدھ کو کہا کہ وہ اب نوجوان کھلاڑیوں کو کرکٹ کی باریکیاں سکھائیں گے۔ اور انہیں اس طرح سے تربیت کریں گے کہ وہ آنے والے وقت میں ریاست اور ملک کا نام روشن کر سکیں۔لکھنؤ کے گومتی نگر کے رہنے والے آر پی سنگھ نے کل بین الاقوامی کرکٹ سے ریٹائرمنٹ لیا تھا۔ آر پی سنگھ نے کل ٹویٹ کر کے کہا تھا کہ 13 سال پہلے چار ستمبر، 2005 کو پہلی بار انہوں نے ہندوستانی ٹیم کی جرسی پہنی تھی۔آر پی سنگھ کا بین الاقوامی کرکٹ کیریئر تقریبا چھ سال کا رہا۔انہوں نے اس دوران کرکٹ کے تمام فارمیٹس میں 82 میچ کھیلے اور 100 سے زائد وکٹیں حاصل کیں۔یہ سابق فاسٹ بولر نے بتایاکہ فی الحال میں نے گریٹر نوئیڈا میں نوجوان کرکٹرز کو تربیت دینے کے لیے کرکٹ اکیڈمی چلا رہا ہوں۔میں نوجوان اور ابھرتے ہوئے کرکٹرز کو تربیت دے رہا ہوں تاکہ وہ کرکٹ میں ریاست اور ملک کا نام روشن کر سکیں۔مستقبل کے منصوبوں کے بارے میں پوچھنے پر انہوں نے کہاکہ اس وقت میں صرف کرکٹ کمنٹری اور کوچنگ میں بچوں کو تربیت دوں گا۔ابھی کچھ دن آرام کروں گا اس کے بعد پھر سوچوں گا کہ کرکٹ کی دنیا کو اپنی خدمات کس طور پر دوں۔سابق بین الاقوامی کرکٹر محمد کیف گزشتہ لوک سبھا انتخابات میں الہ آباد سے کانگریس کے ٹکٹ پر الیکشن لڑاتھا، ان کی طرز پر سیاست کے میدان پر قسمت آزمائی کی کوشش کرنے کے بارے میں پوچھنے پر آر پی سنگھ نے کہا کہ وہ فی الحال کچھ دن آرام کریں گے اور مستقبل کے بارے میں سوچیں گے۔آر پی سنگھ سے پہلے اتر پردیش کے کیف نے بھی حال ہی میں کرکٹ سے ریٹائرمنٹ لیا تھا۔

ایک نظر اس پر بھی

ہبلی میں منعقدہ کرکٹ ٹورنامنٹ میں بھٹکل ٹیم کی زبردست کامیابی؛ ٹیم کی بھٹکل آمد پر شاندار استقبال

کرناٹکااسٹیٹ  کرکٹ اسوسی ایشن (KSCA) کے زیر اہتمام ہبلی میں منعقدہ چوتھے  زونل لیول کرکٹ ٹورنامنٹ میں بھٹکل سی سی نے  زبردست  جیت حاصل کی ہے، اس جیت  کے ساتھ ہی بھٹکل کے کرکٹ  کھلاڑی کامیابی کے پہلے زینہ  کو پارکرنے میں کامیاب ہوگئے ہیں ۔ جیت  حاصل کرنے کے بعد جب ٹیم بھٹکل ...

پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

دوسرے ٹی 20 میچ میں جنوبی افریقہ نے پاکستان کو 7 رنوں سے شکست دی

جنوبی افریقہ اور پاکستان کے درمیان تین ٹی 20 میچوں کی سیریز کے دوسرے میچ میں  کپتان ڈیوڈ ملر کی طوفانی اننگز اور اس کے بعد آخری اوورس میں گیند بازوں کی اچھی گیند بازی کی بدولت جنوبی افریقہ نے سنسنی خیز مقابلہ میں پاکستان کو7 رنوں سے شکست دی ۔ ساتھ ہی ساتھ جنوبی افریقہ نے ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔