اُترکنڑا کے ممکنہ جے ڈی ایس  امیدوار آنند اسنوٹیکرکا دھماکے دار انداز میں انتخابی پرچار شروع؛ ہوناور میں مہلوک پریش میستا کے گھرپہنچ کر والدین سے کی ملاقات؛ اننت کمارہیگڈے پر کیا زبردست وار

Source: S.O. News Service | Published on 17th March 2019, 10:03 PM | ساحلی خبریں | ریاستی خبریں |

کاروار :17؍مارچ (ایس او نیوز) لوک سبھا انتخابات کے لئے کانگریس اور جے ڈی ایس کے درمیان سیٹوں کی تقسیم کے بعداُترکنڑا حلقہ جےڈی ایس  کے حصے میں آنے پر آج آنند اسنوٹیکر نے دھماکے دار انداز میں اپنے  انتخابی  پرچار کا آغاز کیا اور سب سے پہلے  ہوناور پہنچ کر مہلوک پریش میستا  کے والدین سے ملاقات کی۔پھر بی جے پی کے رکن پارلیمان اننت کمار ہیگڈے پر زبردست وار کیا۔

ذرائع سے ملی اطلاع کے مطابق آنند اسنوٹیکر بنگلورو جا کر  جے ڈی ایس اعلیٰ کمان سے اپنے ٹکٹ کی تصدیق کرلینے کے بعد کاروار پہنچے تھے پہلے انہوں نے اپنے گھر میں کارکنان کے ساتھ   میٹنگ کی پھر اخبارنویسوں سے گفتگو کرتے ہوئے  آننت کمار ہیگڈے پر راست وار کرتے ہوئے کہا کہ ہیگڈے پچھلے 22 سالوں سے ضلع کی ترقی کے لئے ایک پیسے کا بھی کام نہیں کیا ہے۔ آگے کہا کہ ہیگڈے صرف زبانی  سیاست میں  مگن ہیں اور دستورکے مسیحا امبیڈکر کے خلاف زبان درازی میں مصروف ہیں۔  اسنوٹیکر نے کہا کہ ایک طرف وزیراعظم مودی ملک کے تمام عوام کے  متعلق بات کرتے ہیں تو اننت کمار ہیگڈے ہندو مسلم  کی باتیں کرتے ہوئے نفرت اور تعصب کو بڑھاوا دینے میں لگے ہوئے ہیں۔ اسنوٹیکر نے کہا کہ اس بار ترقی کے نام پر انتخابات ہوں گے۔

غالباً پہلی بار اننت کمار ہیگڈے کسی کے  راست نشانے پر آگئے ہیں جن کے تعلق سے خطاب کرتے ہوئے آج انند اسنوٹیکر نےپوچھا  کہ جو شخص زبان کھولتے ہی ہندوتوا کی بات کرتاہے، وہ ہندو بچوں کے لئے کیا کررہا ہے ؟  جس شخص کو  اسکل ڈیولپمنٹ کا وزیربنایا گیا کیا اُسے اسکل کا مطلب بھی معلوم ہے ؟ آگے کہا کہ ہیگڈے  دھرم اور ذات کی بنیاد پر ہمارے نوجوانوں کے ہاتھوں میں ہتھیار  دے رہا ہے پچھڑی ذات کے  نوجوانوں کو غلط راہ پر لے جارہا ہے ۔ اسنوٹیکر نے ضلع کے عوام سے کہا کہ وہ ملک کی  طرف دیکھنے کے بجائے پہلے اپنے  ضلع کی طرف دیکھیں اور اٰسی کی بنیاد پر اپنی حق رائے دہی کا استعمال کریں۔

اننت کمارہیگڈے کے حالیہ بیان پر چٹکی لیتے ہوئے  اسنوٹیکر نے کہاکہ اننت کمارہیگڈے کے والد ہی ان پر اعتماد نہیں کرتے۔ جھوٹ بولنا ان کی عادت ہے، وہ سماجی خدمت کے لئے نہیں بلکہ صرف سیاست کے لئے آئے  ہیں۔

اسنوٹیکر نے کہا کہ وہ ضلع کے انچارج وزیر آر وی دیش پانڈے کی قیادت میں انتخابات لڑیں گے۔ آگے کہا کہ گھروں میں آپس میں کچھ نہ کچھ ہوتا رہتا ہے، مگر ہم متحدہوکر انتخابات کاسامنا کریں گے۔

اپنے ٹکٹ کی تصدیق کے بعد پُراعتماد نظر آنے والے آنند اسنوٹیکر نے پہلی فرصت میں  ہوناور میں مہلوک پریش  میستا کے گھر پہنچے۔اور والد  کملا کر میستا سے ملاقات کرتے ہوئے سی بی آئی جانچ کی تفصیلی جانکاری لی۔

ہوناور سے کمٹہ پہنچنے کے بعد آنند اسنوٹیکر نے اخبارنویسوں کو بتایا کہ ہوناور میں پریش میستا کے قتل پر سیاست کی گئی ہے اور گھروالے انصاف کے منتظر ہیں ، اسنوٹیکر نے کہا کہ  ایسا نہیں ہونا چاہئے، ہمیں مہلوک پریش میستا کے گھروالوں کو انصاف دلانا چاہئے، اسنوٹیکر نے مزید کہا کہ  ان کی فیملی  کے ایک لڑکے  کو سرکاری نوکری دلانے کی وہ کوشش کریں گے۔  خیال رہے کہ پریش میستا کی ہلاکت کا گذشتہ اسمبلی انتخابات میں  بی جے پی نے راست سیاسی فائدہ اُٹھایا تھا۔ اس نوجوان کی موت  کو  مسلمانوں کے ساتھ جوڑنے اور ہندووں کو بھڑکانے کی ہرممکن کوشش کی گئی تھی،  بعد میں کمٹہ اور سرسی میں تشدد کی وارداتیں بھی رونما ہوئی تھی اور نتیجتاً ساحلی کرناٹکا میں دو ایک سیٹوں کو چھوڑ کر کانگریس کا پتّا صاف ہوگیا تھا۔

  کمٹہ میں اسنوٹیکر نے جے ڈی ایس کارکنان سے بھی  خطاب کیا اور یہاں بھی  اننت کمار ہیگڈے کے خلاف سخت حملے بولتے  ہوئے کہاکہ اننت کمارہیگڈے اترکنڑا ضلع کے لئے ایک کینسر کی مانند ہیں۔ انہوں نے کہاکہ اننت کمارہیگڈے ذات اور دھرم کی تفریق کئے بغیر سب کا خون چوس رہے ہیں۔ہیگڈے صرف ہندوتوا اورمودی کو بطور ہتھیار استعمال کرتے ہیں، انہوں نے یہ بھی کہا کہ ہیگڈے پچھڑے اورپسماندہ طبقات کے نوجوانوں کو استعمال کرتے ہوئے سیاست  کررہے ہیں، اسی کے نتیجےمیں آج معصوم نوجوان  عدالت  کے چکر کاٹ رہے ہیں۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔