افغانستان میں پوست کی پیداوار بڑھی ہے: اقوام متحدہ
واشنگٹن،23؍اکتوبر(ایس او نیوز؍آئی این ایس انڈیا)اقوام متحدہ کے منشیات اور جرائم سے متعلق ادارے UNODCنے بتایا ہے کہ سن 2016کے دوران افغانستان کے دس فیصد زیادہ رقبے پر پوست کی کاشت کی گئی۔ اس ادارے کے مطابق اس کی وجہ طالبان کے زیر قبضہ علاقے میں اضافہ ہے۔ UNODCکے ایگزیکٹو ڈائریکٹر یوری فیڈوٹوف کے مطابق پوست کی کاشت زیادہ ہونے سے اُن عالمی کوششوں کو شدید دھچکا پہنچا ہے، جو اِس کی کاشت کم کرنے کے لیے کی جا رہی ہیں۔ رپورٹ کے مطابق پوست کی کاشت کئی نئے علاقوں میں بھی کی گئی۔ دوسری جانب طالبان کی عسکری قوت میں اضافے نے نیٹو کی تربیت یافتہ افغان فوج کی کمزوریوں کو مزید نمایاں کر دیا ہے۔