نئی دہلی:24/اپریل(ایس او نیوز/آئی این ایس انڈیا) شیوسینا کے سربراہ ادھو ٹھاکرے نے ایک پروگرام کے دوران کہا کہ ساورکر جی کو بھارت رتن سے نوازا جانا چاہیے، اس کے لیے پوری شیوسینا ان کے ساتھ ہے۔انہوں نے کہا کہ اپوزیشن کے لوگوں کو بھی ساتھ لیں گے۔انہوں نے کہا کہ ساورکر کے لیے بھارت رتن میں ہم سب ساتھ ہیں اور مہاراشٹر میں اپوزیشن کے کچھ لیڈران بھی ساورکر کے لیے ہندوستان کا اعلی ترین اعزاز چاہتے ہیں، اب ہمیں اسے سچ بنانے کے لیے کام کرنا ہے،اتنا ہی نہیں ادھو نے مطالبہ کیا ہے کہ کالاپانی کی سزا کے دوران ساورکر کو انڈمان نکوبار میں واقع سیلولر جیل کی جس الماری میں رکھا گیا تھا، اس کی ایک نقل ممبئی میں بنائی جائے۔