اداکار ارجن رامپال بی جے پی کے دفتر پہنچے، یوپی انتخابات میں کر سکتے ہیں پارٹی کی تشہیر

Source: S.O. News Service | Published on 10th January 2017, 10:30 PM | ملکی خبریں |

نئی دہلی، 10/جنوری (ایس او نیوز/آئی این ایس انڈیا)بالی ووڈ ہستیوں کا سیاست میں آنا کوئی نئی بات نہیں ہے۔اس کی تازہ کڑی میں آج ارجن رامپال نئی دہلی میں بی جے پی کے ہیڈ کوارٹر پہنچے۔وہاں پہنچتے ہی ان کے بی جے پی میں شامل ہونے کے سلسلے میں قیاس آرائیاں شروع ہوگئیں۔ اس مسئلہ  پر ارجن رامپال نے بی جے پی آفس میں کہاکہ میں سیاستدان نہیں ہوں اور یہاں سیاست کے لیے نہیں آیا ہوں،میں یہاں یہ دیکھنے آیا ہوں کہ میں کس طرح بی جے پی کو اپنی حمایت دے سکتا ہوں۔ہیڈ کوارٹر میں بی جے پی کے سینئر لیڈر کیلاش وجے ورگیی سمیت دیگر پارٹی عہدیداروں کے ساتھ ان کی ملاقات ہوئی۔ارجن رامپال کے ساتھ ساتھ جیکی شراف کے بھی بی جے پی میں شامل ہونے کے بارے میں قیاس آرائیاں لگائی جا رہی ہیں۔حالانکہ ذرائع کی مانیں، تو ارجن رامپال اور جیکی شراف یوپی سمیت آئندہ پانچ ریاستوں میں ہونے جا رہے اسمبلی انتخابات میں پارٹی کی جانب سے اسٹار پرچارک ہو سکتے ہیں۔قابل ذکر ہے کہ اگلے ماہ سے پانچ ریاستوں میں اسمبلی انتخابات ہونے جا رہے ہیں، یوپی، پنجاب، اتراکھنڈ، منی پور اور گوا میں ہونے جا رہے ان اسمبلی انتخابات کو 2019کے لوک سبھا انتخابات سے پہلے اقتدار کا سیمی فائنل مانا جا رہا ہے۔یوپی میں سب سے زیادہ سات مراحل میں انتخابات ہونے جا رہے ہیں۔یوپی اس لیے بھی بی جے پی کے لیے اہم ہے کیونکہ پارٹی نے 2014کے لوک سبھا انتخابات میں 80میں سے 71سیٹوں پر جیت درج کی تھی۔
 

ایک نظر اس پر بھی

کاغذات نامزدگی بھرنے کے بعد رام ناتھ کووندنے کہا،جب سے گورنر بنایاتب سے میری کوئی پارٹی نہیں

صدارتی انتخابات کے لئے این ڈی اے کے امیدوار رام ناتھ کووند نے نامزدگی بھر دی ہے۔اس دوران ان کے ساتھ پی ایم مودی، سینئر لیڈر لال کرشن اڈوانی، مرلی منوہر جوشی اور بی جے پی صدر امت شاہ بھی موجود تھے۔

کرناٹک کا دیرینہ خواب شرمندۂ تعبیر بنگلور شہر اسمارٹ سٹی کی فہرست میں شامل

بشمول راجدھانی بنگلور ملک کے 30؍شہروں کو مرکزی حکومت نے اسمارٹ سٹی کے طورپر ترقی دینے کے لئے منتخب کرلیاہے۔ مرکزی وزیر برائے شہری ترقیات وینکیا نائیڈونے آج اس کا اعلان کرتے ہوئے کہاکہ مرکزی اسمارٹ سٹی اسکیم کے تحت ان 30؍شہروں کو ترقی دی جائے گی۔

سری نگر میں ڈی ایس پی محمد ایوب کا قتل، ہنس راج اہیر بولے قصورواروں کو چھوڑا نہیں جائے گا

 سری نگر میں بھیڑ کی طرف سے ڈی ایس پی کو پیٹ پیٹ کر بغیر وجہ قتل کئے جانے پر سرینگر سے دہلی تک غصہ ہے۔وزیر داخلہ ہنس راج اہیر نے بھی اس واقعہ کی مذمت کرتے ہوئے مجرم لوگوں کے خلاف سخت کارروائی کی بات کی ہے۔ہنس راج اہیر کا کہنا ہے کہ جمعرات کاواقعہ بہت افسوسناک ہے

میراکی امیدواری پربوکھلایابی جے پی خیمہ ! یوگی نے کہا، لوگوں کو لڑوانے کے لئے بنایا میرا کمار کو امیدوار؛ کانگریس کاجوابی حملہ،دلت کوامیدواربنانے سے بی جے پی کے گناہ نہیں دھلیں گے

این ڈی اے کے صدارتی امیدوار رام ناتھ کووند نے اپنا نامزدگی بھر دیا ہے۔نامزدگی کے دوران این ڈی اے نے اپنی پوری طاقت دکھائی۔اس دوران کووند کے ساتھ وزیر اعظم نریندر مودی، بی جے پی صدر امت شاہ، بی جے پی کے قدآور لیڈر لال کرشن اڈوانی، مرلی منوہر جوشی بھی موجود رہے،

نئی دہلی قادری مسجدمیں ہزاروں لوگوں نے لگائے بھارت۔فلسطین زندہ باد کے نعرے

شاستری پارک کی سب سے بڑی قادری مسجد میں یوں تو جمعہ کی نماز کے لئے عام طور پر ہزاروں نمازی آتے ہیں لیکن رمضان کے آخری جمعہ کی نماز میں یہ تعداد چار گنا ہو جاتی ہے. نماز کے بعد فلسطین کے حق میں ہوئے احتجاج میں تقریبا دس ہزار لوگ جمع ہو گئے اور بھارت اور فلسطین زندہ باد کے نعرے لگانے ...