دادری ہجومی تشدد معاملہ کا ملزم روپیندر رانا نوائیڈ ا سے اگلے لوک سبھا کا ہوگا امیدوار؛ نو نرمان سینا دے گی ٹکٹ

Source: S.O. News Service | By Shahid Mukhtesar | Published on 25th September 2018, 1:35 PM | ملکی خبریں | ان خبروں کو پڑھنا مت بھولئے |

نئی دہلی،25؍ستمبر (ایس او نیوز؍ایجنسی) سال2015میں پیش آئے دل دہلادینے والے دادری ہجومی تشدد کا واقعہ جس میں مشتبہ بیف کے نام پر محمد اخلاق کا بے رحمی کے ساتھ قتل کردیا گیا تھا اس کیس کا ایک اہم ملزم اترپردیش نو نرمان سینا کے ٹکٹ پر مجوزہ لوک سبھا الیکشن میں نوائیڈا سے امیدوار ہوگا۔

اخلاق کے بے رحمی سے قتل کے واقعہ میں ڈھائی سال تک جیل میں رہنے والا روپیندر رانا کو پارٹی نے محض اس لئے ٹکٹ دیا ہے کیونکہ اس نے ’’ گاؤ ماتا کے احترام ‘‘ میں اپنا وقت جیل میں گذارا ہے ۔ یہ بات  یوپی نونرمان سینا کے صدر امیت جانی نے نمائندوں سے بات کرتے ہوئے بتایا ۔ انہوں نے کہا ’’رانا ایک موثر شخص ہے جو گائے کی حفاظت کرسکتا ہے کیونکہ اس نے گاؤماتا کے احترام میں2.5سال جیل میں گذارے ہیں‘‘۔

 اپنی  پارٹی کا فیصلے سناتے ہوئے رانا نے کہاکہ 2019الیکشن کے لئے پارٹی رانا کو بیساڈا گاؤں( وہی گاؤں جہاں پر اخلاق کا بے رحمی سے قتل کردیاگیاتھا) سے اپنا امیدوار بنائے گی۔

جانی نے کہاکہ رانا نے "گائے کی حفاظت کے لئے "  جھوٹے وعدے  کرنے کے بجائے عملی اقدام کیاہے۔ نونرمان سینا نے سنگر وکاس کمار کوبھی متھراسے اپنا امیدوار بنایا ہے جس نے ویر دی ویڈنگ کے میکرس کو مبینہ طور پر بنا  اجازت  ان کا گیت استعمال کرنے پر سات کروڑ روپئے کی نوٹس روانہ کی ہے۔

واضح رہے کہ 28ستمبر2015کو گاؤ ذبیحہ کے شبہ میں دادری کے بیساڈا گاؤں کے ساکن محمد اخلاق اور ان کے بیٹے پر ایک برہم ہجوم نے حملہ کردیاتھا۔ اس حملے میں اخلاق کی موقع پر ہی موت ہوگئی ‘ جبکہ ان کا بیٹا دانش شدید طور پر زخمی حالت میں اسپتال میں داخل کیاگیاتھا۔

اس کیس میں اٹھارہ  لوگوں بشمول علاقے کے تین نابالغ لوگوں پرقتل اور مارپیٹ کے تحت مقدمہ درج کیاگیاتھا۔ وہیں نابالغ کو ضمانت مل گئی جبکہ دیگر ملزمین جیل کی سلاخوں کے پیچھے بند کردئے گئے تھے۔

ڈھائی سال جیل میں گذارنے کے بعد رانا کو ضمانت پر رہاکردیاگیاتھا۔ نوائیڈا ‘ متھرا ‘ اگرہ کے علاوہ پارٹی علی گڑھ اور فیروز آباد سے بھی امیدوار کھڑا کرنے  کا منصوبہ بنارہی ہے۔ جانی نے کہاکہ ہماری پارٹی کے مذکورہ ’’پانچ پانڈاؤ‘‘ ان پانچ پارلیمانی حلقوں سے مقابلہ کرنے والے بی جے پی امیدواروں کے لئے’’ بڑی مشکل‘‘ پیدا کردیں گے۔

ایک نظر اس پر بھی

گجرات کیس:مودی اور امت شاہ کو بہار میں انتخابی مہم نہیں کرنے دیں گے: کانگریس 

گجرات معاملے کو لے کر بہار کی سیاسی فضا گرمائی ہوئی ہے۔ جہاں ایک طرف بی جے پی، کانگریس پر بہار کے لوگوں کے خلاف ہوئے تشدد کے لئے ذمہ دار بتا رہی ہے، وہیں اب کانگریس نے اپنے تیور تیکھے کر دیئے ہیں۔

گنگاصفائی بھی جملہ نکلا،آلودگی بڑھنے کی رپورٹ پرکانگریس کاحملہ

کانگریس نے گزشتہ چار سال کے دوران گنگا میں آلودگی بڑھنے کی خبرکے سلسلے میں بھارتیہ جنتا پارٹی پر طنز کرتے ہوئے جمعرات کو کہا ہے کہ 2014کے عام انتخابات میں صاف شفاف گنگا کے وعدے کے ساتھ اقتدار میں آئی مودی حکومت کا ’نمامی گنگا‘پروگرام بھی جملہ ثابت ہوا ہے۔

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...