بلنڈور تالاب کی حفاظت میں لاپروائی کا الزام، حکومت اور بی بی ایم پی 50اور 25 کروڑ کا جرمانہ

Source: S.O. News Service | By Jafar Sadique Nooruddin | Published on 7th December 2018, 1:13 AM | ریاستی خبریں |

بنگلورو:6/دسمبر (ایس او نیوز)  مضافات شہر بلنڈور تالاب میں بڑھتی ہوئی آلودگی وقتاً فوقتاً اس تالاب سے بدبو دار جھاگ خارج ہونے اور تالاب میں آگ لگنے کے واقعات سے نپٹنے میں ریاستی حکومت اور برہت بنگلور مہانگر پالیکے کی بارہا ناکامیوں پر سخت کارروائی کرتے ہوئے آج نیشنل گرین ٹریبونل نے ریاستی حکومت پر 50کروڑ روپے اور بی بی ایم پی پر 25کروڑ روپیوں کا جرمانہ عائد کیا اور ہدایت دی کہ حکومت اور بی بی ایم پی یہ رقم آلودگی کنٹرول بورڈ کو ادا کریں۔ نیشنل گرین ٹریبونل نے ہدایت دی کہ بلنڈور تالاب کی دیکھ بھال کے لئے پانچ سو کروڑ روپیوں کا ایک ریزرو فنڈ قائم کیا جائے۔ نیشنل گرین ٹریبونل کے چیرمین جسٹس این گوپال نے آج اس معاملے پر دائر عرضی کی سماعت مکمل کرنے کے بعد فیصلہ سناتے ہوئے کہاکہ بلنڈور تالاب کے پاس جتنے بھی غیر قانونی قبضے ہیں فوری طور پر انہیں خالی کرایا جائے۔ تالاب میں آلودگی کے پھیلاؤ کو روکنے میں ناکام بی بی ایم پی افسرآئندہ اس طرح کی لاپروائی برتنے نہ پائیں اس کے لئے کارروائی کی جائے۔ بلنڈور تالاب کی حفاظت کے سلسلے میں اعلیٰ اختیاری کمیٹی نے جو سفارشات کی ہیں ان تمام کو من وعن لاگو کیا جائے ۔ ٹریبونل نے بارہا لاپروائی کے لئے بی بی ایم پی افسروں کو آڑے ہاتھوں لیتے ہوئے کہا کہ فوری طور پر تالاب کے آس پاس جو بھی غیر قانونی قبضے ہوئے ہیں ان کو ہٹانے کے ساتھ یہ بھی یقینی بنایا جائے کہ آلودہ پانی تالاب میں نہ بہنے پائے۔تالاب کے آس پاس موجود صنعتوں کے ذریعے بہائے جانے والے کیمیکل پانی میں گھل جانے کی وجہ سے بارہا تالاب میں آگ لگتی ہے۔ جس کی وجہ سے تالاب کے آس پاس کا ماحول بھی پراگندہ ہورہاہے۔ اسی لئے فوری طور پر بی بی ایم پی اور ریاستی حکومت یہ یقینی بنائیں کہ اس تالاب میں کیمیکل کا بہا ؤ بند کیا جائے اور اس کے لئے ذمہ دار کارخانوں کے خلاف بھی کارروائی کی جائے۔ تالاب سے بارہا جھاگ نکلنے اور آس پاس کی سڑکوں پر جمع ہوجانے کی شکایت کا بھی ٹریبونل نے سخت نوٹس لیا اور ہدایت دی کہ آئندہ ایسی صورتحال پیدا نہ ہونے پائے اس کے لئے ماہرین کی مدد لے کر کارروائی کی جائے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔