9؍ بدعنوان افسران کو اے سی بی نے نشانہ بنایا

Source: S.O. News Service | By Shahid Mukhtesar | Published on 10th March 2018, 8:30 PM | ریاستی خبریں |

بنگلورو،9؍مارچ(ایس او نیوز) ریاست میں بدعنوان سرکاری افسران اور ملازمین کو دھرنے کی مہم جاری رکھتے ہوئے آج صبح سویرے بنگلور، کولار، چکمگلور، بیجاپور، بلگاوی، ہبلی، اور منگلور سمیت 36مقامات پر انسداد کرپشن بیورو کے افسران نے چھاپے مارے اور بدعنوان سرکاری افسران کے گھروں ، دفاتر اور دیگر مقامات کو نشانہ بناکر ان کے پاس سے بھاری رقم اثاثوں کے دستاویزات وغیرہ ضبط کئے۔ بلگاوی نے اے سی بی افسران نے کوئمپونگر علاقے میں اپر کرشنا پراجکٹ کے لینڈ اکویزیشن آفیسر راجہ شری جین کے گھر اور دفتر کو نشانہ بنایا۔ ڈی وائی ایس پی رگھوملیش دوڈ منی کی قیادت میں اے سی بی افسران کی ٹیم نے راج شری کے ٹھکانوں پر دھاوا بول کر دستاویزات کی جانچ کی۔ ہبلی کے کیشو پور میں راج شری کی رہائش گا ہ ، بیجاپور اور دھارو اڑ کے دومکانوں ، دفتر ، راج شری کے شوہر کے مکان اور وجئے پور میں ایک اور ٹھکانے کے ساتھ ان کے رشتہ داروں کے مکانوں پر بھی دھاوے بولے۔ کولار ضلع کے ملباگل تعلقہ میں دیہی آب رسانی محکمے کے ایگزی کیٹیو انجینئر اپا ریڈی کے ٹھکانوں پر پانچ اے سی بی ٹیموں نے بیک وقت دھاوا بولا ، اسی طرح گنگاوتی کے جئے نگر میں اے سی بی کی ایک ٹیم نے ان کے مکان پر چھاپہ مارا۔ رائچور میں 30 اے سی بی افسران نے الگ الگ مقامات پر چھاپے مارے ۔ بنگلور میں بعض بی بی ایم پی افسران کے ٹھکانوں پر بھی آج اے سی بی نے چھاپے مارے ، ان میں ایگزی کیٹیو انجینئر گنگا دھر شامل ہیں۔ ٹمکور میں گنگا دھر کی رہائش گاہ پر بھی چھاپہ مارا گیا۔ کرناٹکا گروپ انشورنس ڈپارٹمنٹ کے آفیسر ردرا پرساد ، چکمگلور ضلع کے کڈور میں اسسٹنٹ ڈائرکٹر محکمۂ زراعت شیوکمار کی ٹپٹور میں واقع رہائش گاہ پر ڈی وائی ایس پی موہن کی قیادت میں چھاپہ مارا گیا۔اس کے علاوہ چکمگلور آرٹی اور ویرو پاکشا ، گنگا وتی کے ایگزی کیٹیو انجینئروجئے کمار ، منگلور کے ایکسائز انسپکٹر ونود کمار کے ٹھکانوں پر بھی جو بلاری اور رائچور میں موجود تھے آج دھاوے بولے گئے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔