نئی دہلی،15؍اکتوبر (ایس او نیوز؍ آئی این ایس انڈیا)بی جے پی کے لیے اب ملک بھرسے ہوش رباخبریں آرہی ہیں۔آج ہی گروداس لوک سبھاسیٹ پراسے تقریباََدولاکھ ووٹوں سے شکست ہوئی ۔اس کے علاوہ نوجوانوں اورطلبہ کے درمیان بھی اس کی گرفت کمزورپڑگئی ۔چنانچہ جے این یواوردہلی یونیورسیٹی میں بھی اسے شکست ملی ۔اب مشرق کاآکسفورڈکہی جانے والی الہ آباد سینٹرل یونیورسٹی کے اسٹوڈنٹ یونین انتخابات میں اس بار بی جے پی کی اسٹوڈنٹ تنظیم اے بی وی پی کو کراری شکست کا سامنا کرنا پڑا ہے۔گزشتہ دو انتخابات میں اے بی پی، جس نے پانچ بڑے عہدوں میں سے چارجیت لی،اب صرف اس وقت ایک سیٹ حاصل کی۔ صدر اور نائب صدر سمیت چارعہدوں میں انہیں شکست کا سامنا کرنا پڑا۔اکھلیش یادو کی سماج وادی پارٹی کی سائیکل اس الیکشن میں خوب تیزی سے دوڑی ہے اور کی اس اسٹوڈنٹ تنظیم نے جنرل سکریٹری کو چھوڑ صدر سمیت تمام اہم عہدوں پر قبضہ کر لیا ہے۔صدرکے عہدے پر ایس پی طالب علم اسمبلی کے اونیش یادو کو بڑی کامیابی حاصل ہوئی ہے جبکہ اس عہدے پر اے بی وی پی کی پرینکاسنگھ کو تیسرے مقام سے اکتفاکرناپڑاہے۔