کوہلی دستیاب نہیں رہتے تو ٹیم کی قیادت کریں گے ڈی ویلیئرز، راہل بھی باہر
بنگلور،31مارچ(ایس او نیوز؍آئی این ایس انڈیا)وراٹ کوہلی اگر کندھے کی چوٹ پر قابو پانے میں ناکام رہتے ہیں تو اے بی ڈی ویلیئرز انڈین پریمیئر لیگ 10 کے ابتدائی مرحلے میں رائل چیلنجرز بنگلور کی قیادت کر سکتے ہیں۔آرسی بی کے لئے ایک اور بری خبر یہ ہے کہ کندھے کی ہی چوٹ کی وجہ لوکیش راہل بھی دستیاب نہیں رہیں گے۔ٹیم ذرائع کے مطابق ہندوستان کا یہ اوپنر جلد ہی سرجری کے لئے لندن جائے گا۔دائیں ہاتھ کے اس بلے باز کے بائیں کندھے میں پانچ ہفتے پہلے آسٹریلیا کے خلاف پہلے ٹیسٹ کے دوران چوٹ لگی تھی لیکن وہ درد کے باوجود باقی سیریز میں کھیلتارہا۔
کوہلی کے تناظر میں آرسی بی کے کوچ ڈینیل ویٹوری نے کہا کہ فی الحال اس کی دستیابی کو لے کر ہمارے پاس کوئی واضح تصویر نہیں ہے، ہمیں اگلے چند دن میں پتہ چلے گا۔ امکان ہے کہ اے بی ڈی ویلیئرز ذمہ داری سنبھالیں گے لیکن ہم اس پر جواب تبھی دیں گے جب ہمیں پتہ چلے گا کہ وراٹ باہر رہے گا۔ ویٹوری نے کہا کہ ہندوستانی کپتان دو اپریل کو ٹیم کے ساتھ جڑے گا لیکن ان کی دستیابی بی سی سی آئی کے ڈاکٹروں اور ڈاکٹروں کی تشخیص پر انحصار کرے گی۔انہوں نے کہا کہ وہ دو اپریل کو آئے گا، بی سی سی آئی کے ڈاکٹر اور فزیو ہمارے ساتھ بات کریں گے اور ہمارے طبی عملے کو واضح تصویر ملے گی۔
