میٹروکرایہ میں اضافہ کے خلاف’ آپ ‘ کرے گی ستیہ گرہ 

Source: S.O. News Service | By Shahid Mukhtesar | Published on 11th October 2017, 12:24 AM | ملکی خبریں |

نئی دہلی 10؍اکتوبر ( ایس او نیوز؍آئی این ایس انڈیا )منگل کو عام آدمی پارٹی میٹرو کرایہ میں اضافہ کے خلاف ستیہ گرہ شر وع کرے گی ۔ دہلی حکومت کی قیادت میں سخت مخالفت کے باوجودمیٹرو کرایہ میں اضافہ ہوا ہے۔ دہلی آپ سربراہ گوپال رائے نے کہا کہ کرایہ کی شرح میں اضافہ سے نجی ٹیکسی سروس اولا او راوبر جیسی غیر ملکی کمپنیوں کو فائدہ پہنچانے کی ایک منظم سازش ہے ۔ جن کی خدمات میٹرو سے کہیں زیادہ سستی ہوگی۔رائے نے کہا عام آدمی پارٹی کے رضا کاربدھ کو 4 بجے شہر کے تمام میٹرو اسٹیشنوں پر کرایہ میں بے تحاشہ اضافہ کے خلاف احتجاج و مظاہرہ کرے گی اور یہ احتجاج جمعرات تک جاری رہے گا۔ مرکزی شہری ترقیاتی وزارت کے دفتر کو کارکنوں کے گھیرا بندی بھی کی جائے گی ۔ نائب وزیر اعلی منیش سسودیا نے کہا کہ کرایہ کی بڑھتی ہوئی شرح نجی کمپنیوں’’ اولا‘‘ اور ’’ اوبر ‘‘ کو مالی فائدہ پہنچانے کی کوشش ہوگی ؛ کیونکہ اس کی سروس میٹرو سے سستی ہوگی ؛ لہذا عام آدمی پارٹی اس کے خلاف مؤثر طریقے سے اپنا احتجاج درج کرائے گی ۔ واضح ہو کہ آ پ لیڈروں نے دہلی اسمبلی میں بھی اس کے خلاف اپنی تشویش کا اظہا رکیا تھا اور اس کے خلاف ایک قرار داد پاس کیا کہ میٹرو کرایہ میں اضافہ عوام کی جیب پر ڈاکہ ہے ؛ لہذا اس کے نفاذ کو معطل کیا جائے ۔

ایک نظر اس پر بھی

اے ایم یوریزرویشن: مولانا ولی رحمانی نے پیش کیا 50-50 کا فارمولہ، اولڈ بوائزنے ٹھکرائی تجویز

مسلم پرسنل لا بورڈ کے جنرل سکریٹری مولانا محمد ولی رحمانی نے علی گڑھ مسلم یونیورسٹی سے متعلق  بڑا بیان دیتے ہوئے کہا ہے کہ اے ایم یوکو لے کرپولرائزیشن کی سیاست کی جارہی ہے۔ اس پرپرسنل لا بورڈ نے 50 فیصد مسلم اور 50 فیصد دلت ریزرویشن  کی تجویز پیش کردی۔

چنئی میں 12سالہ بچی کی 7 مہینوں تک عصمت دری ؛ 17 گرفتار؛ عدالت میں وکیلوں نے کیا ملزموں پر حملہ؛ کوئی نہیں لڑے گا کیس

چنئی میں 11سال کی بچی کی مبینہ طور سے عصمت دری کرنے کے الزام میں پولیس نے18  لوگوں کو گرفتار کیا ہے۔ ان لوگوں پر الزام ہے کہ انہوں نے ایک اپارٹمنٹ میں سات مہینوں تک بچی کا جنسی استحصال کیا۔ گرفتار ملزموں کو منگل کو کورٹ میں پیش کیا گیا جہاں مشتعل ہجوم نے ملزموں کی پٹائی کردی۔