کماروشواس کی عدالت میں خودسپردگی ،تین گھنٹے تک کٹہرے میں کھڑے رہے وشواس، ملی ضمانت
سلطان پور 23جولائی(آئی این ایس انڈیا)عام آدمی پارٹی کے لیڈر کمار وشواس نے ہفتہ کو سلطان پور کی عدالت میں سرینڈر کیا۔کورٹ میں تقریباََ 3گھنٹے تک بحث جاری رہی اور پوری بحث کے دوران کمار وشواس کٹہرے میں کھڑے رہے، جس کے بعد انہیں ضمانت دے دی گئی۔کماروشواس پر 2014میں امیٹھی میں انتخابی مہم کے دوران غیر قانونی مواد اور سرکاری کام میں رکاوٹ ڈالنے کا مقدمہ درج کرایاگیاتھا۔جس کے بعد عدالت نے ان کے خلاف غیر ضمانتی وارنٹ جاری کیا تھا۔2014میں امیٹھی میں لوک سبھاانتخابات کے دوران کمار وشواس رہنما راہل گاندھی اور ان کی بہن پرینکا گاندھی سمیت دیگر کے خلاف مقدمہ درج کرانے پہنچے تھے۔اس دوران کمار وشواس اور ان کے حامیوں کی پولیس سے کہا سنی ہوئی تھی اور ان کے پاس سے غیر قانونی موادبھی برآمدہوئے تھے۔جس کے بعدگوری گنج تھانے کے اس وقت کے تھانہ انچارج رتن سنگھ نے کمار وشواس اور ان کے تقریباََ250حامیوں کے خلاف مقدمہ درج کرایا تھا۔اس کے بعد عدالت میں حاضر نہ ہونے پر اے سی جے ایم 6نے ان کے خلاف غیرضمانتی وارنٹ جاری کیاتھا۔جس کے بعد انہوں نے ہفتہ کو عدالت میں سرینڈرکیا۔کورٹ میں تقریباََتین گھنٹے تک بحث جاری رہی اور پوری بحث کے دوران کمار وشواس کٹہرے میں کھڑے رہے، جس کے بعد انہیں ضمانت ملی۔کورٹ نے دونوں معاملے میں کمار سے 25-25ہزار کی چار ضمانتیں بھی بھریں۔معاملے کی اگلی سماعت اب 2اگست اور 9اگست کوہوگی۔