دہلی میں سرکاری فنڈز سے ثقافتی پروگرام منعقد کرا سکیں گے ممبر اسمبلی
نئی دہلی، 16؍دسمبر (ایس او نیوز؍آئی این ایس انڈیا) دہلی کی عام آدمی پارٹی کی حکومت نے ممبران اسمبلی کو اپنے علاقوں میں سرکاری فنڈ سے ثقافتی پروگرام منعقد کرانے کا حقوق دیئے ہیں۔حکومت کے اس پہل کا مقصد زیادہ سے زیادہ لوگوں کو فنکاروں کی صلاحیت سے روبرو کرانا ہے۔ایک افسر نے یہ معلومات دی۔عام طور پر اس قسم کے پروگرام لٹین دہلی جیسے منڈی ہاؤس علاقے میں منعقد ہوتے ہیں۔یہاں متعدد آڈیٹوریم ہیں۔نائب وزیر اعلی منیش سسودیا کی صدارت میں منعقد میٹنگ میں یہ فیصلہ کیا گیا۔اس فیصلے کے مطابق ثقافتی پروگرام منعقد کرانے کے خواہاں ممبر اسمبلی کو متعلقہ اکیڈمی کے سیکرٹری کو ایک تجویز پیش کرنا ہوگا۔پھر وہ پروگرام کا بجٹ بنا کر ممبر اسمبلی کو فنڈز پیش کرے گا۔ایک افسر نے بتایا کہ تمام 70 اسمبلی حلقوں میں سالانہ ثقافتی پروگراموں کے لئے 25 لاکھ روپے مختلف رکھے گئے ہیں۔خرچ کا اندازہ لگائے جانے کے بعد رکن اسمبلی کو آرٹ، ثقافت اور زبان کے محکمہ (اے سی ایل) کے وزیر کے پاس عرضی بھیجنی ہوگی۔فی الحال سسودیا کے پاس یہ وزارت ہے۔ایک اور افسر نے بتایاکہ مثال کے طور پر اگر کسی رکن اسمبلی کو کسی خاص علاقے میں سکھ برادری کے لوگوں کے لئے پروگرام منعقد کرانا ہے تو اسے پنجابی اکیڈمی سے رابطہ کرنا ہوگا۔انہوں نے کہاکہ ایک بار تجویز اے سی ایل وزیر کے پاس پہنچ جائے پھر محکمہ اس اسمبلی حلقہ کے لئے فنڈز کی دستیابی کا پتہ لگا کر پروگرام کے لیے فنڈز جاری کر دے گا۔