کجریوال کے 3 سال’ آپ‘ نے شمار کرائیں کامیابیاں تو حزب اختلاف نے گنوادیں ناکامیاں

Source: S.O. News Service | By Shahid Mukhtesar | Published on 14th February 2018, 3:43 PM | ملکی خبریں |

نئی دہلی 14 فروری (ایس او نیوز؍آئی این ایس انڈیا)اروندکجریوال کی قیادت میں دہلی کی عام آدمی پارٹی نشیب و فراز دیکھتے ہوئے 14 فروری کو ا پنی مدت کے تین سال پورے کر رہی ہے۔ تیسری مدت کی تکمیل کے موقع پر جہاں کجریوال حکومت اپنی کامیابیاں شمار کروارہی ہے تو وہیں اپوزیشن پارٹی بی جے پی اور کانگریس حکومت کی ناکامیوں کو دکھانے کے لئے آمادہ ہے۔ ایک طرف جہاں عام آدمی پارٹی ایک کے بعد ایک ٹویٹ کر اپنی کامیابیاں شمار رہی ہے، وہیں بی جے پی اورکانگریس بھی ٹویٹ سے حکومت کو گھیرنے میں کوئی کسر نہیں چھوڑ رہی ہے۔ عام آدمی پارٹی نے ٹویٹ کر اپنی کامیابیاں گنواتے ہوئے کہاکہ ہم نے بجلی کمپنیوں کی سی اے جی جانچ کرائی، جس سے کمپنیوں میں سراسیمگی پھیل گئی ، معاً اس کے کہا کہ ہم نے بل میں 50 فیصد کی کمی کی، بجلی کی گھنٹوں عدم دستیابی کو بند کیا اور بجلی کمپنیوں پر جرمانہ عائد کیا اور تین سال میں بجلی کی شرح میں کوئی اضافہ بھی نہیں ہوئی۔ خواتین کمیشن کے بارے میں عام آدمی پارٹی نے کہا کہ آپ کی حکومت آتے ہی دہلی خواتین کمیشن فعال ہو گئی، حکومت نے خواتین کمیشن میں جان پھونک دی ہے ، ساتھ ہی وریندر دکشت جیسے مکار ڈھونگی بابا کا قلعہ منہدم کر دیا ۔مگر کانگریس نے آپ حکومت کے تین سال مکمل ہونے پر ریاستی صدر اجے ماکن نے تنقید کی ہے اور اس کو ناکامی بتاتے ہوئے کئی امور کا انکشاف بھی کیا ہے ۔ کانگریس نے ان امور کا انکشاف کرتے ہوئے حکومتی طرز عمل پر ناکامی کی مہر لگاتے ہوئے کہا کہ ڈی ٹی سی اورکلسٹر بسوں میں نہ تو سی سی ٹی وی اور نہ ہی کوئی مارشل کا بندوبست ہو پا یا ہے ۔اجے ماکن نے مزید انکشاف کرتے ہوئے کہا کہ آپ حکومت کے کابینہ میں کوئی خاتون وزیر نہیں ہے جو آپ کی کارکردگی پر شبہ پیدا کرتا ہے ۔دلی شہری پناہ بہتری بورڈ نے ابھی تک محض 29 فیصدبیت الخلاؤں کی تعمیر کرائی یعنی کہ 384. ، دراں حالے کہ حکومت کا ہدف 1314 کا تھا۔ اس کے علاوہ الزام لگایا کہ خواتین کو بااختیار بنانے کے لئے کانگریس کی اہم منصوبہ جی آر سی اور خواتین ہیلپ لائن نمبر 181 کو غیر فعال بھی کر دیا ہے۔ وہیں بی جے پی کے ریاستی صدر منوج تیواری نے بھی کجریوال حکومت کے تین سال مکمل ہونے پر تنقیدکرتے ہوئے ناکام بتایا ہے ۔ انہوں نے ٹویٹ کرکے کہا کہ اروند کیجریوال کی حکومت اشتہارات کی حکومت ہے ۔ منوج تیوار ی نے الزام لگاتے ہوئے کہا کہ عام آدمی پارٹی بھرم پیدا کرنے کی ماسٹری ہے ۔ ساتھ ہی انہوں نے ٹوئٹر پر ہیش ٹیگ بھی دیا ہے ’’تین سال، دلی بے حال ‘‘ علاوہ ازیں منوج تیواری نے کجریوال پرتنقید کرتے ہوئے یہ بھی الزام لگایا کہ دہلی کجریوال حکومت کی ناکامی کی وجہ سے 3 سال میں 30 سال پیچھے چلی گئی ہے۔وہیں بی جے پی نے اپنے ٹوئٹر ہینڈل سے ٹویٹ کیا کہ کیا کجریوال خود کو ملک کے قانون اورآئین سے بالاسمجھتے ہیں ؛ اس لیے بار بار آئین کی خلاف ورزی کرتے رہتے ہیں۔ 

ایک نظر اس پر بھی

18بیرونی ممالک میں ملازمت کرنے والوں کویکم جنوری سے لازمی طور پر آن لائن رجسٹریشن کرنا ہوگا

بیرونی ممالک میں ملازمت کرنے والوں کے لئے مرکزی حکومت نے ایک نئی شرط لاگو کردی ہے جس کے مطابق یکم جنوری 2019 ؁ء سے امیگریشن چیک ناٹ ریکوائرڈECNRوالا پاسپورٹ رکھنے والے ملازمین کے لئے لازمی ہوگا کہ وہ اپنا آن لائن رجسٹر کروائیں۔

جموں وکشمیر میں نئی حکومت پاکستان کے کہنے پر بن رہی ہے: بی جے پی

جموں وکشمیر یونٹ کے سینئر لیڈر اور سابق ریاستی نائب وزیر اعلیٰ کویندر گپتا نے کہا کہ ریاست میں نئی حکومت پاکستان کے کہنے پر بن رہی ہے۔ انہوں نے کہا کہ حکومت سازی کی سرگرمیوں میں سرگرم سبھی لوگ پاکستان حمایت یافتہ ہیں۔ کویندر گپتا نے بدھ کے روز یہاں ترکوٹہ نگر میں واقع بی جے پی ...

نوٹ بندی کانگریس کی بدعنوانی ختم کرنے کی تیز دوا تھی،مودی

وزیراعظم نریندر مودی نے آج مدھیہ پردیش کے آدی واسی اکثریتی ضلع جھابوا میں کانگریس کو ہدف تنقید بناتے ہوئے کہا کہ جس طرح دیمک کو ختم کرنے کیلئے ’’زہریلی دوا‘‘ کی ضرورت پڑتی ہے،اسی طرح انہیں کانگریس کے دور میں پھیلی بدعنوانیوں کو ختم کرنے کیلئے’’ نوٹ بندی‘‘ جیسی تیز دوا کا ...