عام آدمی پارٹی نے امرتسر (سینٹرل)سیٹ سے دوسری بار اپنے امیدوار کا ٹکٹ کاٹا

Source: S.O. News Service | Published on 11th January 2017, 11:38 PM | ملکی خبریں |

چندی گڑھ،11/جنوری (ایس او نیوز/آئی این ایس انڈیا)عام آدمی پارٹی (آپ)نے امرتسر (سینٹرل)سیٹ سے امیدوار پروفیسر درباری لال کی امیدواری منسوخ کر دی ہے۔پارٹی نے بیان جاری کر کے بتایا کہ ان کے خلاف بدعنوانی کے سنگین الزامات لگنے کے بعد یہ قدم اٹھایا گیا ہے۔بیان میں کہا گیا ہے کہ مکمل تحقیقات کے بعد پارٹی نے ان کی امیدواری منسوخ کرنے کا فیصلہ کیا۔اس سے پہلے آپ کے ریاستی  کنوینر گرپریت سنگھ گھگی نے کہا کہ لال کی امیدواری ان کی خراب صحت کی وجہ سے منسوخ کی گئی ہے اور جلد ہی نئے امیدوارکااعلان کیا جائے گا۔گھگی نے کہا کہ لال گزشتہ تین دنوں سے اسپتا ل میں داخل ہیں اور وہ حلقے میں تشہیر نہیں کرپارہے ہیں۔ایک ہفتے میں دوسری بار آپ نے امرتسر (سینٹرل)سے اپنا امیدوار تبدیل کیا ہے۔آپ نے6 /جنوری کوسابق کانگریسی لیڈر درباری لال کو راجندر کمار کی جگہ امیدوار نامزد کیا تھا۔کمار کو امیدوار بنانے کے24گھنٹے کے اندر ہی ہٹا دیا گیا۔آپ نے110سیٹوں پر اپنے امیدواروں کا اعلان کردیا ہے، جبکہ اس کی اتحادی جماعت لوک انصاف پارٹی7سیٹوں پرالیکشن لڑ رہی ہے۔پنجاب میں اسمبلی کی کل 117سیٹیں ہیں۔


 

ایک نظر اس پر بھی

اروندر سنگھ لولی کی کانگریس میں واپسی، بی جے پی میں نظریاتی طور پر ’’بے میل ‘‘تھا :اروندسنگھ لولی

دہلی کانگریس کے سابق صدر اروندرسنگھ لولی کی آج کانگریس میں’’ گھر واپسی‘‘ ہو گئی۔ کچھ ماہ قبل پارٹی چھوڑ کر بی جے پی میں شامل ہوئے لولی نے کہا کہ وہ نے کہا کہ وہاں وہ ’’ نظریاتی طور پر بے میل ‘‘ تھے۔

گورکھپوراورپھول پور لوک سبھا ضمنی الیکشن کے لیے کانگریس نے امیدواروں کے نام کااعلان کیا

کانگریس نے گورکھپور اور پھول پورلوک سبھا سیٹوں پر ضمنی انتخابات کے لیے اپنے امیدواروں کااعلان کر دیاہے۔اتر پردیش کانگریس کے ترجمان وریندر مدان نے بتایا کہ پارٹی نے ڈاکٹر سرہیتا کریم کو گورکھپور اور منیش مشرا کو پھول پور لوک سبھاسیٹ پر ضمنی انتخاب کے لیے امیدواربنایاہے۔

تری پورہ اسمبلی الیکشن کے لئے تمام تیاریاں مکمل؛کل ہوگی ووٹنگ

تری پورہ میں اسمبلی کے انتخابات کے لیے تمام تیاریاں مکمل ہو چکی ہیں۔جمعہ کو انتخابی مہم ختم ہونے کے بعد،اتوار کے روز سب کی نگاہیں اب ووٹنگ پرہیں۔دراصل، تری پورہ میں کل یعنی اتوار کو انتخابات ہونے ہیں اور بھارتیہ جنتا پارٹی ان انتخابات میں حکمران بائیں محاذ کے سامنے اہم ...