کانگریس کے بھارت بند میں شامل ہوئی عام آدمی پارٹی 

Source: S.O. News Service | By Shahid Mukhtesar | Published on 10th September 2018, 11:02 PM | ملکی خبریں |

نئی دہلی،10؍ ستمبر (ایس او نیوز؍آئی این ایس انڈیا) پٹرول ڈیزل کی بڑھتی ہوئی قیمتوں کی مخالفت میں کانگریس کی قیادت میں پیرکے روز بلائے گئے بھارت بند کو عین موقع پر عام آدمی پارٹی (عآپ) نے بھی حمایت دے دی ہے۔ پارٹی کے سینئر رہنما اور ایم پی سنجے سنگھ خودبھارت بند کی تختی لے کر سڑکوں پر نظر آئے۔ بند کی ابتدا راج گھاٹ پر مہاتما گاندھی کی سمادھی پر گلہائے عقیدت پیش کر کے کی گئی ۔ اس موقع پر کانگریس صدر راہل گاندھی، سابق وزیر اعظم منموہن سنگھ ، کانگریس کی سابق صدرسونیا گاندھی، کانگریس کے دہلی ریاستی صدر اجے ماکن کے علاوہ عام آدمی پارٹی کے ایم پی سنجے سنگھ بھی اپنی پارٹی کے ممبر اسمبلی اور رہنماؤں سومناتھ بھارتی،پون شرما اور این ڈی شرما کے ساتھ راج گھاٹ پہنچے۔پارٹی کی حکمت عملی اچانک تبدیل ہونے کے سلسلے میں جب ان سے پوچھا گیا تو سنجے سنگھ نے کہا کہ جو مفاد عامہ اور ملک سے جڑے ہوئے مسائل ہیں جیسے بھگوڑے اقتصادی مجرم بل پر ہم نے گزشتہ دنوں حکومت کی بھی حمایت کی تھی۔ انہوں نے کہا کہ ملک پٹرول کی قیمتوں میں اضافہ، مہنگائی سے پریشان ہے،جی ایس ٹی سے معیشت لڑکھڑا رہی ہے۔ سب کو ان مدعوں پر متحد ہونا پڑے گا۔ اسے کسی اور چشمہ سے دیکھنے کی ضرورت نہیں ہے۔ قابل ذکر ہے کہ بند سے ایک دن پہلے اتوار تک حالانکہ کانگریس اپنے 20 اتحادیوں میں عام آدمی پارٹی کو شامل مان کر چل رہی تھی، لیکن عآپ کے سینئر رہنماؤں نے اس سے صاف انکار کرتے ہوئے کہا تھا کہ کانگریس کو اس کا کوئی اخلاقی حق نہیں ہے کیونکہ ان کے وقت میں بھی پٹرول اور ڈیزل کی قیمتوں آسمان چھو رہی تھیں۔ 

ایک نظر اس پر بھی

مالیگاؤں 2008ء بم دھماکہ معاملہ، بم دھماکوں میں زخمی ہونے والے دو افراد نے گواہی دی، دفاعی وکلاء عدالت سے غیر حاضر ، جرح اگلے ہفتہ متوقع

مالیگاؤں ۲۰۰۸ء بم دھماکہ معاملے میں سماعت روز بہ روز جاری ہے ، آج اس معاملے میں بم دھماکوں میں زخمی ہونے والے دو افراد کی گواہی عمل میں آئی

مثبت فکر اورتوانائی سے ملک کی ترقی ہوتی ہے:ارون جیٹلی 

مودی حکومت کے ناقدین کو بات بات پر احتجاج کرنے والا بتاتے ہوئے وزیر خزانہ ارون جیٹلی نے جمعرات کو ان پر جھوٹ گھڑنے اور ایک منتخب حکومت کو کمزور کرکے جمہوریت کو برباد کرنے کا الزام لگایا۔ طبی معائنہ کے لیے امریکہ دورہ پر گئے ارون جیٹلی نے ایک فیس بک پوسٹ میں کہا کہ اظہار رائے کی ...

عد لیہ نے مہاراشٹر میں ڈانس بار پر پابندی لگانے والی کئی تجاویزمستردکیں 

سپریم کورٹ نے مہاراشٹر میں ڈانس بار کے لئے لائسنس اور اس کاروبار پر پابندی لگانے والے کچھ تجاویز جمعرات کومنسوخ کردیئے۔ جسٹس اے کے سیکری کی صدارت والے بنچ نے مہاراشٹر کے ہوٹل، ریستوران اور بار ہاؤس میں فحش رقص پر پابندی اورعورتوں کے وقار کی حفاظت سے متعلق قانون 2016 کے کچھ دفعات ...