مبینہ مقبول بھٹکلی کی تصنیف کردہ مٹھائیوں کی کتاب’’ حلوائی کے راز‘‘کا اجراء

Source: S.O. News Service | By I.G. Bhatkali | Published on 28th August 2018, 5:44 PM | ساحلی خبریں | ان خبروں کو پڑھنا مت بھولئے |

بھٹکل 28؍اگست (ایس او نیوز) جناب ایس ایم یحییٰ مرحوم کے خاندان کی ایک رکن بھٹکل کی مبینہ مقبول کی انگریزی زبان میں تصنیف کردہ کتاب "Confectioner's Secrete"(’’حلوائی کے راز‘‘)منظر عام پرآگئی ہے۔جس میں مبینہ مقبول نے کیک، چاکلیٹ اور دیگر مٹھائیوں کے ساتھ مختلف بیکری آئٹمس کی ذائقہ دار تیاری کے سلسلے میں بھرپور معلومات فراہم کی ہے۔

مبینہ کے بارے میں معلوم ہوا ہے کہ جب وہ بحرین میں مقیم تھیں تو خود اپنے طور پر انہوں نے مٹھائیوں کی تیاری کے سلسلے میں جستجو اور تجربات سے نئی نئی اقسام کی بہت ہی لذیذ مٹھائیاں بنانے کے راز سیکھ لیے۔مبینہ نے اپنی کوکنگ اور بیکنگ کی مہارت کی وجہ سے وہاں کے رئیس خاندانوں میں کافی مقبولیت اور شہرت حاصل کی۔بحرین کے ٹی وی شو میں بھی انہیں حصہ لینے کا موقع ملا۔ اس کے علاوہ وہاں کے مشہور اخبار ’ دی ڈیلی گلف نیوز‘ نے مبینہ کو ہفتہ وارخصوصی شمارے میں کالم نگاری کا موقع بھی فراہم کیا۔بحرین میں منعقدہ چاکلیٹ تیاری کرنے کے مقابلے میں مبینہ نے اول مقام حاصل کیا تھا۔اس طرح مبینہ مقبول نے مٹھائی اور کانفیکشنری میں اپنی بین الاقوامی سطح کی مہارت ثابت کردی۔

یہ جو ان کی’’حلوائی کے راز‘‘نامی کتاب ہے اس میں مٹھائیوں کی تیاری کے سلسلے میں ان کے اپنے خصوصی تجربات اور مسلسل تلاش و جستجو کا نچوڑ شامل ہے۔بیکری آئٹمس کھانے کھلانے کا شوق رکھنے کے باوجود اس کے اچھے نتائج نہ ملنے کے خدشات کی وجہ سے پیچھے ہٹنے والے اس کتاب کے مطالعے سے فائدہ اٹھا سکتے ہیں۔ فی الحال یہ کتاب بنگلورو کے ’سپنابک ہاؤس‘ میں فروخت کے لئے رکھی گئی ہے۔اس کتاب کی قیمت 2200روپے ہے مگر اجراء کے موقع پر یہ کتاب 1500روپے میں دستیاب ہے۔ اس سلسلے میں مرحوم ایس ایم یحییٰ صاحب کے مکان پر منعقدہ ایک پریس کانفرنس کے دوران اپنے خاندان کے اراکین کے ساتھ اپنی مسرت کا اظہار کرتے ہوئے مصنفہ مبینہ مقبول نے کہا کہ دنیا کے مختلف کلچر، قومیت اورباوچی خانوں کو ذہن میں رکھ کر اس کتاب کو ترتیب دیا گیا ہے۔اس لئے بیکری اشیاء کی تیاری میں دلچسپی رکھنے والا ہر کوئی اس سے استفادہ کرسکتا ہے۔ اس تعلق سے کسی بھی قسم کی جانکاری یا معلومات کے لئے وہاٹس ایپ نمبر 0097333899299 / 0097339592804 پر رابطہ قائم کیا جاسکتا ہے۔اس موقع پر ڈاکٹر مقبول، محمد اکرم، شاکرہ نظام، ۔۔۔وصی اللہ،خضر بوٹا موجود تھے۔
 

ایک نظر اس پر بھی

اترکنڑا ضلع میں مزید بارش کے امکانات کے پیش نظر ریڈ الرٹ جاری :بھٹکل میں ریکارڈ 140ملی میٹر بارش

ضلع کے ساحلی  پٹی کے مقامات پر رات دن  مسلسل برستی بارش کے نتیجےمیں عوامی زندگی بہت بری طرح متاثر ہوئی۔ پیر کی صبح سے شروع ہوئی بارش شام تک لگاتار برستی رہی ۔ ان حالات میں محکمہ موسمیات کی طرف سے ’ریڈ الرٹ ‘ جاری کرتے ہوئے  علاقہ میں مزید بارش برسنے کا امکان بتایا ہے۔ محکمہ ...

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

انکولہ میونسپالٹی چیف آفیسر کو ڈی سی نے لیا آڑے ہاتھ۔ کہا؛ اگر تم ایماندار ہوتے تو کٹہرے میں کھڑے نہ ہوتے

انکولہ میونسپالٹی میں ڈھنگ سے کام نہ ہونے کی شکایت ملنے پر  اُترکنڑا کے ڈپٹی کمشنر  ڈاکٹر ہریش کمار انکولہ پہنچ کر  میونسپل چیف آفسر بی پرہلاد کو آڑے ہاتھوں لیا اور کہا کہ اگر تم  ایمانداری سے اپناکام انجام دے رہے ہوتے  تو اس طرح کٹہرے میں کھڑے ہونے کی نوبت نہ آتی ۔ ڈپٹی ...