وینزویلا جیل میں پھر بغاوت‘ 9 قیدی‘ 2 سکیورٹی گارڈز ہلاک
کرکاس20مئی (ایس او نیوز؍آئی این ایس انڈیا)وینزویلا میں ایک مرتبہ پھر جیل میں بغاوت ہوگئی،جس کے بعد ہونے والے فساد کے نتیجے میں 11 افراد ہلاک ہوگئے۔حالیہ فسادات وینزویلا کی مغربی ریاست لارا کی فینکس جیل میں ہوئے جہاں مرنے والوں میں گارڈز بھی شامل ہیں۔ان جیل فسادات کے دوران9 قیدی اور2 سیکیورٹی گارڈز ہلاک ہوئے۔فسادات اب کنٹرول میں ہیں، پراسیکیوٹر کے دفتر کی طرف سے فسادات کی تحقیقات کی جائے گی۔اس سے قبل مارچ میں وینزویلا کی جیل میں ہونے والے فسادات اور اس کے نتیجے میںآگ لگنے سے 68 قیدی ہلاک ہوگئے تھے۔