حجاج کرام کے آٹھویں اور نویں قافلوں کی بنگلورو واپسی؛ حج کمیٹی چیرمین آر روشن بیگ ائرپورٹ پر حاجیوں کے استقبال کے لئے رہےموجود
بنگلورو۔17؍ستمبر(ایس او نیوز) حجاج کرام کے آٹھویں اور نویں قافلوں کی آج مدینہ منورہ سے بنگلور واپسی ہوئی۔ تقریباً ہر فلائی میں 300حجاج کرام پر مشتمل قافلے 42 دن قبل بنگلور سے سفر مقدسہ پر رخصت ہوئے تھے، فریضۂ حج کی تکمیل ،مکہ مکرمہ میں عبادات اور مدینے میں روضۂ رسول ؐ پر حاضری کی سعادتوں سے سرفراز ہوکر یہ حاجی بعافیت وطن لوٹے ہیں۔
ریاستی حج کمیٹی کے چیرمین ورکن اسمبلی جناب روشن بیگ نے ابتدائی قافلے سے لے کر آج آٹھویں اور نویں قافلے کی ایرپورٹ آمد کے موقع پر بھی حجاج کرام کا والہانہ استقبال کرنے ائرپورٹ پر موجود رہے، جبکہ ان کے ساتھ رضاکاروں نے بھی حجاج کرام کی مدد کرنے کثیر تعداد میں موجود تھے۔ پچھلے چند دنوں سے جاری روایت کے مطابق حجاج کرام کی واپسی انتہائی پرسکون رہی۔ کسٹمز حکام کی طرف سے بھرپور تعاون کے نتیجے میں حجاج کرام جلد ی ہی ایرپورٹ سے نکلے اور باہر منتظر اپنے رشتہ داروں کے ہمراہ اپنے گھروں کی طرف لوٹ گئے۔
خیال رہے کہ حجاج کرام کی مدد کے لئے متعدد سرکاری افسروں کے ساتھ رضاکاروں کی ایک بہت بڑی ٹیم ایرپورٹ کے حج ٹرمینل پر مسلسل متحرک ہے۔
