نکسلیوں کے بارودی سرنگ دھماکے میں سی آر پی ایف کے 9 جوان شہید

Source: S.O. News Service | By Shahid Mukhtesar | Published on 13th March 2018, 10:11 PM | ملکی خبریں |

سکما،13؍ مارچ (ایس او نیوز؍آئی این ایس انڈیا) سکما میں نکسلیوں کے آئی ای ڈی دھماکہ میں سنٹرل ریزرو پولیس فورس(سی آر پی ایف )کے 9 جوان شہید اور 5 سے زائد جوان زخمی ہوگئے ۔ سی آر پی ایف کے شہید جوان 212بٹالین کے تھے۔ چھتیس گڑھ کے وزیر اعلیٰ ڈاکٹر رمن سنگھ نے واقعہ کی شدید مذمت کی ہے۔ انہوں نے اسے نکسلیوں کی بوکھلاہٹ سے تعبیر کیا ہے۔رپورٹ کے مطابق نکسلیوں نے پہلے بارودی سرنگ میں دھماکہ کیا اور اس کے بعد جوانوں پر فائرنگ کر دی۔ یہ حملہ سکما کے کستارام علاقہ میں ہوا۔معلومات کے مطابق، نکسلیوں نے سی آر پی ایف کا اینٹی لینڈ مائن وہیکل آئی ای ڈی دھماکہ کر کے اڑا دیا۔ سکما کے کاسرم اور پلودی کے پاس بی ڈبلیو کوبرا، سی آر پی ایف 212، ایس ٹی ایف اور ماؤ نوازوں کے درمیان تصادم جاری ہے۔ اس تصادم میں نکسلیوں کی طرف سے آئی ای ڈی بلاسٹ کیا گیا۔ اس میں نو فوجیوں کی شہادت کی خبر ہے۔ اس کے علاوہ پانچ جوانوں کے زخمی ہونے کی بھی خبر آ رہی ہے۔ اس میں سے کچھ کی حالت سنگین بتائی جا رہی ہے۔

ایک نظر اس پر بھی

جموں و کشمیر میں مودی سرکارکی پالیسی ناکام ہوئی : محبوبہ مفتی

پیپلز ڈیموکریٹک پارٹی (پی ڈی پی) صدر اور سابقہ وزیر اعلیٰ محبوبہ مفتی نے جنوبی کشمیر کے ضلع شوپیان میں جموں وکشمیر پولیس کے تین ایس پی اووز کو اغوا کے بعد گولی مار کر ہلاک کرنے کے واقعہ پر اپنا ردعمل میں کہا ہے کہ وادی کشمیر میں مرکزی حکومت کی طاقت پر مبنی پالیسی ناکام ثابت ہوئی ...

کشمیرکے بدترحالات کے لیے مودی سرکارذمہ دار:کانگریس

کانگریس نے کہاہے کہ پچھلے 24گھنٹے کے دوران جموں کشمیر میں تین پولیس جوانوں کے اغواکے بعد قتل اور دہشت گردوں کے خوف سے دس پولیس جوانوں کے مبینہ استعفیٰ کے واقعات تشویش ناک ہیں اور ریاست کے ان حالات کے لیے مودی حکومت ذمہ دارہے۔