بہارگرامین بینک سے 8.80 لاکھ روپے کی لوٹ
جموئی:6/نومبر(ایس او نیوز/آئی این ایس انڈیا)جموئی ضلع کے لکشمی پور تھانہ کے تحت مٹیا مارکیٹ واقع بہار دیہی بینک کی ایک شاخ سے مجرموں نے ہتھیار کے زورپرمنگل کو8.80لاکھ روپے لوٹ لیے۔ واردات کو انجام دے کر لٹیرے فرار ہوگئے۔ لکشمی پور تھانہ صدر سبھاش کمار سنگھ نے بتایا کہ پانچ چھ نقاب پوش بدمعاشوں نے منگل کو بینک کی شاخ میں داخل ہوئے۔ بدمعاشوں نے تمام بینک ملازمین اور گاہکوں کو ہتھیار کے زورپراپنے قبضے میں لے کر انہیں ایک کمرے میں بند کر دیا اور زبردستی بینک چیسٹ کی چابی لے کر 8.80 لاکھ روپے لوٹ لیے۔انہوں نے بتایا کہ مجرموں نے بینک سے فرار ہونے کے سابق وہاں لگے سی سی ٹی وی کی ہارڈ ڈسک کو نقصان پہنچا یا۔ تھانہ انچارج نے بتایا کہ بینک برانچ منیجر انور انصاری کی طرف سے اس معاملے میں مقامی تھانے میں ایف آئی آر درج کرائی گئی ہے۔انہوں نے بتایا کہ جموئی کے پولس سپرنٹنڈنٹ جے ریڈی نے موقع واردات پہنچ کر معاملے کی چھان بین شروع کر دی ہے۔