بھٹکل 13/مئی (ایس او نیوز)  پڑوسی علاقہ شیرور (اُڈپی ضلع) کے توحید پبلک اسکول نے اس بار 80 فیصد شرح کے ساتھ کامیابی درج کی ہے جس کے پانچ طلبا نے امتیازی نمبرات کے ساتھ کامیابی حاصل کی ہے۔

پریس ریلیز جاری کرتے ہوئے اسکول انتظامیہ نے خبر دی ہے کہ امسال ایس ایس ایل سی میں جملہ 40 طلبہ نے امتحانات دئے تھے، جس میں سے پانچ طلبا امتیازی نمبرات کے ساتھ اور 25 طلبا فرسٹ کلاس کے ساتھ کامیاب ہوئے ہیں، جبکہ کامیابی کی جملہ شرح 80% درج کی گئی ہے۔

ریلیز کے مطابق کے بی یوسف اور شمیم کی دُختر عکسیٰ سائما نے 93.28 فیصد کے ساتھ اسکول میں ٹاپ کیا ہے، حذیفہ یمن نے 90.56 فیصد، سادیہ نے 88 فیصد، عافیہ بانو نے 85.44 فیصد اور جی شازمی پروین نے 85.28 فیصد اوسط کے ساتھ امتیازی کامیابی درج کی ہے۔

اسکول انتظامیہ نے تمام طلبہ و طالبات کو اُن کے بہترین پرفارمینس پر مبارکباد پیش کی ہے۔