بنگلورو،24؍اپریل(ایس او نیوز) برہت بنگلور مہانگر پالیکے کی حدود میں آنے والے 26اسمبلی حلقوں سے471 امیدواروں نے 681نامزدگیاں داخل کی ہیں۔ یہ بات آج برہت بنگلور مہانگر پالیکے کے کمشنر اور بنگلور کے الیکشن افسر منجوناتھ پرساد نے یہ بات بتائی۔

انہو ں نے بتایاکہ شہر بھر میں درج کی گئی نامزدگیوں میں 64 کانگریس کی نامزدگیاں، 74 بی جے پی کی نامزدگیاں ،44جنتادل (ایس) کی 100نامز دگیاں آزاد امیدواروں کی ، 2نامزدگیاں بی ایس پی کی، چار نامزدگیاں سی پی ایم کی ، پانچ نامزدگیاں این سی پی کی شامل ہیں۔ انہوں نے بتایاکہ شہر بھر میں 3؍ ہزار سے زائد پولنگ بوتھوں پر تعینات ہونے والے انتخابی عملے کی تعداد 56440 پر مشتمل ہوگی۔ اس عملے کے لئے تقرر نامہ بی بی ایم پی کی ویب سائٹ پر اپ لوڈ کیاجاچکا ہے۔ یہ انتخابی عملہ انہیں مامور کئے گئے مقامات پر متعین ہوجائے گا۔ مسٹر منجوناتھ پرساد نے بتایاکہ انتخابات کے لئے شہر کی حدود میں جہاں سخت حفاظتی انتظامات کئے گئے ہیں اس کے ساتھ ہی انتخابی دھاندلیوں پر نظر رکھنے کے لئے انتخابی ضابطے کا نفاذ کافی سختی سے کیاجارہاہے۔