ریاست میں 550 ویٹرنری ڈاکٹروں کا تقرر جلد: منجو
بنگلورو،22؍فروری(ایس او نیوز) ریاستی وزیر برائے مویشی پالن اے منجونے کہا کہ محکمۂ مویشی پالن میں بہت جلد 550 ویٹرنری ڈاکٹروں کا تقرر کیا جائے گا۔ آج شہر کے ہبال میں ویٹرنری انسٹی ٹیوٹ آف ہیلتھ اینڈ بائیو ٹیکنالوجی میں جانوروں کیلئے جدید خوراک کی تیاری کے مرکز کا سنگ بنیاد رکھنے کے بعد خطاب کرتے ہوئے انہوں نے کہاکہ میڈیکل ڈاکٹروں کے مساوی درجے اور تنخواہوں کی ویٹرنری ڈاکٹروں کو بھی فراہمی یقینی بنانے کیلئے محکمہ کی طرف سے ضروری قدم اٹھائے جارہے ہیں۔ انہوں نے کہاکہ ویٹرنری کالج کے احاطہ میں قائم ہونے والے خوراک کے مرکز میں بین الاقوامی معیار کی دوائیں تیار کی جائیں گی اور اسے ملک اور بیرون ملکوں میں فروخت کیلئے مہیا کرایا جائے گا۔