اب مسلمان گائے پال بھی نہیں سکتے؟الور میں مسلم خاندان سے 51گائے چھین کرگؤشالاکے حوالے کیاگیا،انتظامیہ تماشائی
الوار ،15؍اکتوبر (ایس او نیوز؍آئی این ایس انڈیا) راجستھان کے الور میں گؤرکشکوں کی دہشت گردی کا کا ایک نیا کارنامہ سامنے آیاہے۔معلومات کے مطابق الور ضلع کے کشن گڑھ باس تھانہ علاقہ کے تحت ساؤوباس رہائشی مسلم گائے پالنے والے کے بیٹے نسروخاں اور ان کی بیوی سے گؤرکشکوں کی طرف پولیس سے ملی بھگت کرکے ان سے جبراََ51 سے زیادہ گایوں کومسلم خاندان سے چھین کرگؤشالامیں دے دینے کامعاملہ سامنے آیاہے ۔فی الحال میو خاندان کے پاس ایک گائے اور پندرہ بیس بچھڑے بچھڑیاں ہیں۔ ادھربھوک سے پریشان گائے کے بچوں کی حالت خراب ہے تو وہیں مسلم خاندان کا دھندہ ٹھپ پڑا ہوا ہے۔اپنی گایوں کو واپس حاصل کرنے کے لیے وہ در در کی ٹھوکریں کھاتا پھر رہا ہے۔یہ واقعہ 3 اکتوبر کا ہے اور 12 دن بعد بھی مسلم خاندان کو اس کی گائے نہیں دی جا رہی ہے۔جبکہ کسان خاندان سے منسلک سبا میوکے گھر پر دودھ دینے والے گائے بیل۔بچھڑے اپنی ماں کے دودھ کے انتظار میں کئی دنوں سے بھوک پیاس سے تڑپ رہے ہیں۔