یوگی راج میں بھی نہیں بدلا اسپتالوں کا حال، اے سی خراب ہو نے سے 5مریضوں کی موت
کانپور،8؍جون (ایس او نیوز؍ آئی این ایس انڈیا )کانپور کے ہیلٹ اسپتال کے میڈیسن محکمہ میں جمعرات کے روز دیر رات بڑا واقعہ پیش آیا ۔ اچانک آئی سی یو کا ایسی پلانٹ خراب ہو جانے کی وجہ سے وارڈ میں داخل پانچ مریضوں کی موت ہو گئی ہے ۔
واضح رہے کہ کانپور کے ہیلٹ اسپتال کے میڈیسن محکمہ میں جمعرات کے روز یہ حادثہ ہوا ۔ خبر کے مطابق جس وقت ایسی فیل ہوا ، اس وقت آئی سی یووارڈ میں چار بچوں کو ملا کر 11 مریض داخل تھے ۔ اسپتال انتظامیہ نے تحقیقات کا حکم دے دیا ہے۔ لیکن ڈاکٹروں نے معاملہ میں لیپاپوتی بھی شروع کر دیا ہے۔ ان کا کہنا ہیکہ موت ایسی فیل ہونے کی وجہ سے نہیں ہوئی ہے ۔جب کہ ان سبھی مریضوں کی حالت پہلے سے خراب تھی۔
بتایا جا رہا ہیکہ ایسی میں متعدد دنوں سے خرابی دیکھنے کو مل رہی تھی۔ لیکن اس پر غور نہیں دیا گیا اور جگاڑ سے اسے چلایا جاتا رہا۔ جمعرات کو آئی سی یو کے ساریایسی بند ہو گئے۔ زیادہ گرمی ہونے کی وجہ سے تمام اکویپمنٹ نے کام کرنا بند کر دیا تھا۔ جس کی وجہ سے 75 سالہ اندرپال، گیا پرساد 75 سالہ، رسول بخش 55 سالہ ، مراری 56 سالہ اور دیگر کی موت ہو گئی ہے۔