کرناٹک: ضلع ہاسن کے سکلیشپور میں بجرنگ دل کی غندہ گردی؛ بیف کے شک میں غریب خاتون کی دکان جلا دی؛ پانچ بجرنگی گرفتار

Source: S.O. News Service | By Shahid Mukhtesar | Published on 9th February 2019, 1:36 PM | ریاستی خبریں |

ہاسن9؍فروری(ایس او نیوز)ریاست کرناٹک میں بجرنگ دل کی غنڈہ گردی پھر ایک بار منظر عام پر آئی ، جب ضلع ہاسن کے سکلیشپور میں ایک غریب خاتون کی  چھوٹی سی کینٹین کو اس شک پر آگ میں جھونک دیا کہ یہاں گاہکوں کو گائے کا گوشت کھلایا جاتا ہے۔

ذرائع سے ملی اطلاع کے مطابق کینٹین کو جلانے کا واقعہ 31 جنوری کو پیش آیا تھا، مگر جمعرات کو اس تعلق سے پولس نے پانچ لوگوں کو گرفتارکیا، جن کے تعلق سے بتایا گیا ہے کہ ان سبھی کا تعلق بجرنگ دل سے ہے۔

بتایا گیا ہے کہ سڑک کنارے لوگوں کو کھانا کھلانے والی دو خواتین کی دکان بجرنگ دل کے کارکنوں نے اُس وقت آگ لگا کر جلا ڈالا جب  اُنہیں  شک ہوا  کہ خواتین یہاں گائے کا گوشت پروستی ہیں ۔ انہوں نے پہلے آکر توڑ پھوڑ  شروع کی پھر کینٹین  کو آگ لگا دی۔پولیس کے مطابق، سکلیشپور میں 70 سالہ قمرالنساء  اور اس کی بہو شمیم سڑک کنارے خیمے لگا کر لوگوں کو کھانا کھلاتی تھیں۔

واقعہ کے بعد ہاسن کے سپرنٹنڈینٹ آف پولس  اے این پرکاش گوڑا نے بتایا کہ متاثرہ خاتون شمیم کی شکایت ملنے کے بعد ہم نے بجرنگ دل کے پانچ کارکنوں کو گرفتار کیا ہے، جن کی شناخت کارتک، دیپو، پرتاپ اور رگھو کے طور پر کی گئی ہے، ملزمان میں ایک نابالغ بھی شامل ہے۔

ایس پی اے این پرکاش گوڑا نے آگے بتایا کہ اس طرح کسی غریب کی دکان کو اجاڑنا صحیح بات نہیں ہے، انہوں نے بتایا کہ تحقیقات میں ہمیں گائے کا گوشت نہیں ملا ہے،

ملزمان کے تعلق سے بتایا کہ اُن پر سخت   کارروائی کی جائے گی، فی الحال پولیس نے تعزیرات ہند کی دفعہ 323، 354، 427، 436 اور 506 کے تحت مقدمہ درج کیا ہے اور  تحقیقات جاری ہے۔

قمر النساء  نے واقعے کے بعد بتایا کہ ابتدا میں پولس شکایت درج کرنے کے لئے ہی تیار نہیں تھی، مگر اگلے روز شکایت درج کی گئی۔ قمرالنساء کے مطابق  ہم اس چھوٹی سے کینٹین میں  چکن اور مٹن کا گوشت پروستے ہیں، ہمارے ہاں گائے کا گوشت نہیں لایا جاتا، اس نے مزید بتایا کہ  ہمارا گذر بسر اس  کینٹین سے ہی ہوتا ہے، جسے ان ظالموں نے جلا ڈالا ہے۔ اب ہمارے پاس کچھ نہیں بچا ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔