ترکی میں بم حملے میں چار فوجی ہلاک، چار دیگر زخمی
انقرہ4اکتوبر(ایس او نیوز؍آئی این ایس انڈیا)جنوب مشرقی ترکی میں مبینہ طور پر کرد عسکریت پسندوں کی طرف سے کیے گئے ایک بم حملے میں سرکاری ذرائع کے مطابق چار فوجی ہلاک اور چار دیگر زخمی ہو گئے۔ ترک صوبے حکاری کے گورنر کے دفتر کے مطابق یہ حملہ دیسی ساخت کے ایک ایسے بم کی مدد سے کیا گیا، جو ایران کے ساتھ سرحد کے قریب ایک قصبے کے نواح میں ایک سڑک پر نصب کیا گیا تھا۔ یہ دھماکا اس وقت ہوا، جب ترک فوجیوں کی ایک گاڑی وہاں سے گزر رہی تھی۔ ترک اخبار ’حریت‘ کے مطابق اس حملے کے بعد ملکی فوج نے علاقے میں موجود کرد باغیوں کے خلاف جنگی ہیلی کاپٹروں کی مدد سے ایک بڑا زمینی آپریشن شروع کر دیا ہے۔
