انگلینڈ نے تیسرا ٹیسٹ 42 رنز سے جیت کر سری لنکا کو کلین سویپ کیا 

Source: S.O. News Service | By Shahid Mukhtesar | Published on 27th November 2018, 12:08 PM | اسپورٹس |

کولمبو،27؍ نومبر (ایس او نیوز؍آئی این ایس انڈیا) انگلینڈ نے تین کرکٹ میچوں کی ٹیسٹ سیریز کے آخری میچ میں یہاں پیر کو سری لنکا کو 42 رنز سے شکست دے کر میزبان کو 3-0 سے کلین سویپ کردیا۔سری لنکا کی ٹیم چوتھے دن اپنی دوسری اننگز میں انگلینڈ کی طرف سے دی 327 رنز کے جواب میں 284 رن ہی بنا سکی۔انگلینڈ کے جانی بیرسٹو کو مین آف دی میچ کا ایوارڈ دیا گیا، جبکہ بین پھوکس مین آف دی سیریز رہے۔ سری لنکا نے پیر کو اپنے تیسرے دن کے اسکور چار وکٹ پر 53 رنز سے سکور سے آگے کھیلنا شروع کیا۔میزبان ٹیم کی شروعات خراب رہی اور لچھن سنداکن سات کے ذاتی اسکور پر آؤٹ ہو گئے۔اس کے بعد چھٹے وکٹ کے لئے کسل مینڈس (86) اور روشن سلوا (65) کے درمیان 102 رنز کی اہم شراکت ہوئی۔مینڈس کو جیک لیچ نے رن آؤٹ کرکے انگلینڈ کی میچ میں واپسی کرائی۔مینڈس کے پویلین لوٹنے کے بعد میزبان ٹیم کی اننگز لڑکھڑا گئی۔سری لنکا نے 226 رنز کے مجموعی اسکور پر اپنے نو وکٹ گنوا دیے۔ملدا پشپ کمارا نے سرنگا لکمل کے ساتھ مل کر آخری وکٹ کے لئے 58 رنز کی شراکت کی لیکن وہ ٹیم کی ہار کونہیں ٹال سکے۔لکمل کو 11 کے ذاتی اسکور پر لیچ نے آؤٹ کیا جبکہ پشپ کمارا 42 رنز بنا کر ناٹ آؤٹ رہے۔سری لنکا نے اپنے آخری نو وکٹ 67 رن کے اندر گنوا دے انگلینڈ کے لئے لیج اور معین علی نے چار چار وکٹ لئے۔بین اسٹوکس کو ایک وکٹ ملا۔

ایک نظر اس پر بھی

بھٹکل اسپورٹس اکیڈمی  کے زیرا ہتمام کرکٹ کھلاڑ یوں کا سلیکشن ٹرائل: کے ایس سی اے کے انڈر14اور انڈر16 کرکٹ ٹورنامنٹ میں حصہ لینے کا  سنہرا موقع

اپریل کے پہلے ہفتہ میں افتتاح ہونے والی بھٹکل اسپورٹس اکیڈمی، پہلے مرحلے کے طورپر کرناٹکا اسٹیٹ کرکٹ اسوسی ایشن (کے ایس سی اے )کے زیرسرپرستی  14اور16سالہ کرکٹ ٹورنامنٹ اپریل کےمہینے میں ہبلی  میں کھیلا جائے گا جس میں اکیڈمی کی ٹیم شریک ہونےکی  اکیڈمی کے ذمہ دار کے ایم وسیم نے ...

سنسنی خیز میچ میں ہندوستان نے آسٹریلیا کو 8 رنوں سے دی شکست ، سیریز میں 2-0 برتری حاصل

کپتان وراٹ کوہلی (116) کے 40ویں سنچری اور جسپریت بمراہ کی ڈیتھ اووروں کی کمال کی گیندبازی اور وجے شنکر کی کرشمائی آخری اوور کی بدولت ہندوستان نے یہاں ودربھ کرکٹ ایسوسی ایشن اسٹیڈیم میں آسٹریلیا کو دوسرے ون ڈے مقابلے میں منگل کو آٹھ رن سے ہراکر اپنے ون ڈے کی تاریخ کی 500ویں جیت ...

لکھنو میں منعقدہ آل انڈیا مدرسہ اتھلیٹک چمپئن شپ میں بھٹکل کے تین طلبا کا شاندار پرفارمینس

لکھنو میں منعقدہ  آل انڈیا مدرسہ اتھلیٹک چمپئن شپ مقابلوں میں بھٹکل اور اطراف کے طلبا نے  شاندار پرفارمینس پیش کرتے ہوئے اسپورٹس میں بھی   اپنی صلاحیتوں کا لوہا منوانے میں کامیاب ہوگئے ہیں۔ 

آئی سی سی نے سنتھ جے سوریا پر 2سال کی پابندی عائد کردی

انٹرنیشنل کرکٹ کونسل(آئی سی سی)نے کرپشن کے حوالے سے تحقیقات میں تعاون سے انکار پر سابق سری لنکن کپتان سنتھ جو سوریا پر دو سال کی پابندی عائد کردی۔سنتھ جے سوریا اکتوبر 2020تک کرکٹ کی کسی بھی سرگرمی میں حصہ نہیں لے سکیں گے ۔