نئی دہلی، 17؍دسمبر (ایس او نیوز؍ایجنسی) دہلی کے دوارکا علاقہ میں تین سال کی ایک بچی کے ساتھ اتوار کے روز مبینہ طور پر اس کے پڑوسی نے عصمت دری کی ہے۔ اطلاع ملتے ہی پولیس موقع پر پہنچی اور بچی کوعلاج کے لئے دین دیال اسپتال لے کر گئی۔ مبینہ طور پر بچی کی عصمت دری رنجیت نام کے شخص نے کی جو کہ وہاں پر گارڈ کے طور پر کام کرتا ہے۔ خبر کے مطابق جس بلڈنگ میں بچی رہتی ہے اسی بلڈنگ میں گراونڈ فلور پر وہ بھی رہتا ہے۔

پولیس نے بتایا کہ جب یہ حادثہ ہوا اس وقت بچی کے والدین گھر سے باہر کام کے لئے گئے تھے۔ ملزم شخص کی عمر تقریبا 40 سال ہے۔  حادثہ کے بارے میں پتہ لگنے پر لوگوں نے ملزم کی پٹائی کر دی۔ جس کے بعد اسے علاج کے لئے اسپتال لے جایا گیا۔ حاصل ہوئی اطلاعات کےمطابق علاج کے بعد ملزم کو گرفتار کر لیا گیا اور اس کے خلاف پوسکو ایکٹ کے تحت معاملہ درج کر لیا گیا ہے۔