بھگوا جھنڈا جلاکر فرقہ وارانہ فساد پھیلانے کی سازش، چامراج نگر میں سنگھ پریوار کے 3؍کارکن گرفتار
چامراج نگر،17/ستمبر (ایس او نیوز/ایجنسی) پچھلے 13/ستمبر کی نصف شب کو مندر پر لہرایا گیا بھگوا جھنڈا نکال کر آگ لگانے اور فرقہ وارانہ فساد پھیلانے کے تین کارکنوں کو چامراج نگر ٹاؤن پولیس نے گرفتار کرنے میں کامیابی سے حاصل کرلی ہے۔ چامراج نگر شہر میں واقع گالی پورہ لے آؤٹ کے ناٹکرا بیدی کے گنیش مندر پر لہرائے گئے بھگوا جھنڈے کو نکال کر بائک پر رکھ کر جلانے کے بعد ہندو مسلم فساد کرانے کی سازش کرنے والے تین شرپسندوں کی شناخت سنگھ پریوار کے کارکن گالی پورہ لے آؤٹ کے ساکن پرکاش، منجو اور بنگارا کی حیثیت سے کی گئی ہے۔ گرفتار ملزمین سے پولیس کی پوچھ تاچھ کے دوران ان تینوں نے اس بات کا اعتراف کیا ہے کہ علاقے میں مسلمانوں کی تعداد بڑھتی جارہی ہے، ان پر قابو پانے کیلئے اس طرح کی سازش رچائی گئی تھی۔ ملزمین کو عدالت کے روبرو پیش کیا گیا۔ اس دوران پولیس کے خلاف ملزمین کے والدین اور دیگر نے احتجاج کیا۔