راجستھان کے الورمیں سڑک حادثہ؛ تین اساتذہ کی موت
جے پور13 دسمبر (ایس او نیوز؍آئی این ایس انڈیا) راجستھان کے الور ضلع کے کشن گڑھ تھانہ علاقہ میں جمعرات کی صبح ایک بے قابو کار نے ٹرک کو پیچھے سے ٹکر مار دی۔ حادثے میں کار میں سوار تین اساتذہ کی موت ہو گئی وہیں ایک اور شدید زخمی ہو گیا۔تھانہ انچارج راجیش مینا نے بتایا کہ الور سے بھواڑا جا رہی ایک گاڑی بے قابو ہوکر الور۔ کشن گڑھ باس راستے پر بالاجی ڈھابے کے پاس آگے چل رہے ایک ٹرک میں جا گھسی۔ اس کار میں سوار موہت شرما (21)، سپریت ناگپال (24) اور روہت اگروال (25) کی جائے حادثہ پر ہی موت ہو گئی جبکہ ہتیش سینی (24) شدید زخمی ہو گیا۔ اسے الور ریفری کیا گیا ہے۔انہوں نے بتایا کہ کار سوار چاروں نوجوان ایک نجی اسکول میں استاد تھے۔ پوسٹ مارٹم کے بعد لاش اہل خانہ کو سونپ دی گئی ہے ۔ فی الحال اس سلسلے میں کوئی مقدمہ درج نہیں ہوا ہے۔