تصادم میں 3 نکسلیوں کی موت

Source: S.O. News Service | By Faiq Mukri | Published on 26th September 2016, 8:19 PM | ملکی خبریں |

رائے پور، 26؍ستمبر(ایس او نیوز ؍آئی این ایس انڈیا)انتہا پسندی سے متاثرہ چھتیس گڑھ کے بستر میں سیکورٹی فورسز کے ساتھ تصادم میں تین نکسلیوں کو مار گرایا گیا۔آئی جی (بستر رینج)ایس آر پی کلوری نے میڈیا سے کہاکہ نارائن پور ضلع میں دو کٹر ماؤنواز مار گرائے گئے اور ایک دوسرا باغی آج علی الصباح پڑوسی کونڈاگاؤں ضلع میں مارا گیا۔انسپکٹر جنرل نے کہا کہ ضلع ریزور گروپ(ڈی آرجی)نے اس اطلاع کی بنیاد پر مہم شروع کی کہ شوبھی کی قیادت میں ماؤنوازوں کی کمپنی کی پلٹن چھتیس گڑھ مسلح فورس(سی اے ایف )کے جوانوں کو نشانہ بنانے کے لیے نارائن پور میں جھارا پولیس کیمپ کی طرف آ رہی ہے۔انہوں نے کہا کہ سیکورٹی فورسز نے یہاں سے تقریبا 400کلو میٹر دور بنس پال اور توئی نار جنگلوں کے قریب اس راستے پر گھات لگائی، جس کا نکسلیوں کے ٹیم کی طرف سے جھارا کی طرف آتے وقت استعمال کرنے کی اطلاع ملی تھی۔کلوری نے کہاکہ جائے حادثہ پر پہنچنے پر تقریبا 20مسلح ماؤنوازوں کو سیکورٹی فورسز کی موجودگی کا احساس ہو گیا اور انہوں نے پولیس پر اندھا دھند فائرنگ شروع کر دی جس کے بعد پولیس کو جوابی کارروائی کرنی پڑی۔انہوں نے کہا کہ نارائن پور میں ایک گھنٹے تک جاری رہے تصادم کے بعد نکسلی گھنے جنگل کی آڑ لے کر وہاں سے بھاگ گئے۔انسپکٹر جنرل نے بتایا کہ تلاش کے دوران جائے حادثہ سے دو ماؤنوازوں کی لاشیں ملیں جن کی شناخت بیجا پور کے مدیڈھ رہائشی ترو پتی عرف آکاش اور نارائن پور کے دھودائی کے رمیش کے طور پر کی گئی ہے۔انہوں نے اس مہم کو سیکورٹی فورسز کی شاندارکامیابی بتاتے ہوئے کہاکہ وہ دونوں ماؤنوازوں کی کمپنی چھ کے فعال عسکریت پسند تھے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...