بھٹکل: 29؍اکتوبر (ایس او نیوز) شہر بھٹکل کے انجمن کالج  اور سدھیندرا کالج کے 3طلباکھلاڑیوں نے  اپنے بہترین پرفارمنس کی بنیاد پر کرناٹکا یونیورسٹی بلیو کا اعزاز حاصل کرتے ہوئے یونیورسٹی ٹیم کے لئے منتخب ہوئے ہیں۔ 

انجمن ڈگری کالج اینڈ پی جی سنٹر بھٹکل کے متعلم  ملک دامد ا ابن عبدالسلام دامدا  اور گروسدھیندرابی سی اے  کالج کے نکھیل شانبھاگ کرناٹکا یونیورسٹی دھارواڑ کی شٹل بیڈمنٹن ٹیم کے لئے منتخب ہوئے ہیں ۔ جب کہ انجمن انسٹی ٹیوٹ آف مینجمنٹ اینڈ کمپیوٹر اپلکیشن کے طالب علم محمد سلمان یونیورسٹی کی سوئمنگ ٹیم کے لئے منتخب ہو ئے ہیں۔ واضح رہے کہ یونیورسٹی کی ٹیم یونیورسٹی کے الگ الگ زون سے بہترین کھلاڑیوں کے انتخاب پر مشتمل ہوتی ہے۔ بھٹکل شہر کے ان تینوں طلبا کو یونیورسٹی بلیو بننے پر متعلقہ تعلیمی اداروں کے عہدیداران ، منتظمین ، پرنسپال ،اساتذہ اور دیگر احباب نے مبارکبادی پیش کی ہے۔