کاروار 21/جولائی (ایس او نیوز) یہاں تعلقہ کے ماجالی مچھلی مارکٹ کے قریب ایکسائز محکمہ کے چھاپے میں 273 لیٹر شراب اور شرواڈا ریلوے اسٹیشن پر ریلوے پولس فورس کے ساتھ 160 لیٹر شراب یعنی جملہ 433 لیٹر شراب ضبط کی گئی ہے۔
محکمہ ایکسائز کے ذرائع نے بتایا کہ مصدقہ اطلاع پر محکمہ ایکسائز کے آفسران نے ماجالی مچھلی مارکٹ کے قریب واقع جنگلاتی علاقہ چھاپہ مارا اور ذخیرہ کرکے رکھی گئی شراب کوضبط کیا، جس کی مالیت قریب 68 ہزار روپیہ لگائی گئی ہے، اسی طرح ریلوے اسٹیشن پر بھی چھپا کر رکھی گئی شراب کو ضبط کیا گیا ہے۔ ذرائع کے مطابق جملہ 1.28 لاکھ مالیت کی شراب ضبط کی گئی ہے ۔ ذرائع نے بتایا کہ دونوں معاملات میں ملزمین کا پتہ نہیں چل پایا ہے۔ یہ شراب گوا سے غیر قانونی طور پر کاروار لائی گئی تھی۔
محکمہ ایکسائز نے اس تعلق سے دو الگ الگ معاملات درج کئے ہیں اور مزید چھان بین جاری ہے۔